218. De sanctis Ewaldis.

1 a. Cole Christum mente tota,
Colonorum urbs devota,
Sacro culta germine,

1b. Virginali candidata,
Triumphali purpurata,
Claro clarens agmine.

2 a. Quibus addis expolitas
Binas, lectas margaritas,
Auram super inclitas ;

2 b. His de gemmis adornavit
Sibi sponsam, consecravit
Mira Dei caritas.

3 a. Nomen par Ewaldus quidem
Fuit illis, cultus idem,
Parilis devotio ;

3 a. Discolores in aspectu,
Pio pares in affectu,
Pares sacerdotio.

4 a. Domos linquunt, res, parentes,
Hibernorum petunt gentes
Anglicorum proceres;

4 b. Cultum daemonum profanum
Fugant, mundam calcant va-
num
Angelorum compares.

5 a. Fortes hinc tirones isti,
Saxones ut regno Christi
Lucrarentur, quaeritant.

5 b. Adventantes gens cruenta
Sanctos necat, sacramenta
Dum altaris immolant.

6 a. Undis iactos vectat sursum
Rhenus illos per recursum
Luce celsa comite.

6 b. Aede sacra reponuntur,

Fontis novi, quo plectuntur,
Manat rivus cespite.

7 a. Nunc te, Iesu, fontem vitae
Gustant hostis trini rite
Trinam post victoriam.

7 b. Quorum nobis prece pari
Tuae praesta contemplari
Deitatis gloriam.