222. De sancta Genovefa.

1. Genovefa, flos virginum

Post matrem lucis luminum,

Excuset apud Dominum

Nostrorum lapsus criminum.

2. Genovefae praeconium

Pangat laudis confessio,

Et virginis praesidium

Nos absolvat a vitio.

3. Genovefae subiaceat

Nostrue mentis intentio,

Ne vitiosa foeteat

Tumens cordis elatio.

4. Genovefam fidelium

Veneretur devotio,

Culpae poscat remedium

Fervens cordis compunctio.

5. Genovefa, generalis

Salus in te sperantium,

Spes tuorum spiritalis,

Praebe tuis solacium.

6. Genovefa supplicante

Nullis premar supplicis,

Christo mihi miserante

Non puniar cum impiis.

7. Virgo clara virtutibus,

Virtutum fulgens titulo,

Coniunge caeli civibus

Exsules in hoc saeculo.

8. Virgo, per manus praesulis

Sponso dicata virginum,

Esto pro tuis famulis

Mediatrix ad Dominum.

9. Virgo, quae matris oculos

Luci restauras pristinae,

Participes fac servulos

Aeternae vitae lumine.

10. Virgo, quae facis puteum

Profundum superfluere,

Fac cor meum lapideum

Lacrimas tibi fundere.

11. Virgo, Parisiensium

Salus a persequentibus,

Esto nobis refugium

Ab inimicis omnibus.

12. Virgo, cui panis hordei

Cum fabis est refectio,

Nobis sit cibus fidei

Lacrimarum profusio.

13. Virgo, potans artifices

Dato de sursum poculo,

Satia tuos suppliccs

Aeternae vitae pabulo.

14. Virgo, quae prae te cereum

Lumen facis recipere,

Me facias sidereum

Verum lumen attingere.

15. Virgo, pro furti crimine

Caecata reddens lumina

Culpam fatenti feminae,

Mentes nostras illumina.

16. Virgo, quae membra plurium

Liberas a paralysi,

17. Virgo, quae viros liberas

A morte morti deditos,

A via mortis transferas

Ad vitam tibi subditos.

18. Virgo, puellae debili

Pedum reddens officium,

Via indeclinabili

Me ducad summum gaudium.

19. Virgo, suspendens aere

Correptos a daemoniis,

Dignare nos eripere

A daemonum insidiis.

20. Virgo, quam falsae virginis

Non fallit simulatio,

Fac nos expertes criminis,

Dignos iustorum praemio.

21. Virgo, quae mersum precibus

Matri restauras filium,

A nostris deme cordibus

Vitae praesentis taedium.

22. Virgo, quae manum aridam

Sanasti tuis meritis,

Fac mentem nostram turbidam

Christi parere monitis.

23. Virgo, pulsis daemonibus

Sequanam reddens pervium,

Fac, ne cum peccatoribus

Iter carpamus devium.

24. Virgo, per quam solidatur

Membrorum dissolutio.

Per te nobis concedatur

Peccatis absolutio:

25. Virgo, quae viros liberas

Vexatos a daemonio,

Fac mentes nostras liberas

A daemonum dominio.

26. Virgo, quae caecam virginem

Redditis sanas oculis,

Mentis nostrae caliginem

Precibus pelle sedulis.

27. Virgo, per quam procuratur

Frigus et ardor febrium,

Per te nobis concedatur

Inter utrumque medium.

28. Virgo, quae naves fluvio

Periclitantes liberas,

Nos a mundi naufragio

Ad vitae portum transferas.

29. Virgo, nactas mirifice

Quae das fruges famelicis,

Caelesti pane refice,

Quos temporali reficis.

30. Virgo, quae pro pauperibus

Furtum facis laudabile

Dans panes indigentibus,

Crimen arce damnabile.

31. Virgo, debilem pedibus

Surdumquesananshominem,

Da nobis aequis passibus

Imitari te virginem.

32. Virgo, per quam parentibus

Sana redditur filia

De vita desperantibus,

Duc nos ad vitae praemia.

33. Virgo, quae parcis homini

Nolenti servo parcere,

Caelesti tuos agmini

Stude servos coniungere.

34. Virgo, foedis vestigiis

Foedum fugans daemonium,

A foetentibus vitiis

Purga secreta cordium.

35. Virgo, cuius potentiam

Sentiunt energumini,

Da nobis sapientiam

Christi devotam nomini.

36. Virgo, fractum vas olei

Pulso reformans daemone,

Praeceptis sanctae fidei

Parere tuos admone.

37. Virgo, quae demis pluviam

Messibus et messoribus,

Riga cordis duritiam

Salutiferis imbribus.

38. Virgo, quae corpus liberas

Oppressum morbo calculi,

Cordibus nostris auferas

Amorem huius saeculi.

39. Virgo, quae mirabiliter

Incurvos sanas digitos,

Sana misericorditer

Actus nostros illicitos.

40. Virgo, cuius praesentia

Moventur immobilia,

Fac in Christo stabilia

Corda, quae sunt mobilia.

41. Virgo, quae tuis meritis

Sequanae sedas impetum,

Ab actibus illicitis

Restringe mentis impetum.

42. Virgo, quae circumstantibus

Ab aquis servas lectulum,

Intactum iustis fluctibus

Riga mentis cubiculum.

43. Virgo, quae sacri caelitus,

Sedas ignis incendium,

In me criminum penitus

Extingue flammas omnium.

44. Virgo, me tuum famulum

Caeli fac dignum solio,

Quae vivum servas servulum

Templi lapsum fastigio.

45. Virgo, quae signis celebris

Rivos distillas olei,

Eripe nos a tenebris

Fonte repletos fidei.

46. Virgo, dulce refugium,

Spes certa laborantium,

Medicina languentium,

Languorum salus omnium,

47. Cuius vita gloriosa,

Mors longe gloriosior,

Cuius vita pretiosa,

Mors multo pretiosior,

48. Cui subiacent daemonia

Cuius insensibilia

Corpus adesse sentiunt.

49. Quam reddit venerabilem

Signorum iugis gratia,

Quam suis admirabilem

Christus aequat in gloria,

50. Qua supplicante venia

Confertur peccatoribus,

Qua mediante praemia

Vitae dantur fidelibus,

51. Inclina nostris precibus

Aures misericordiae,

Nostris infundens mentibus

Donum caelestis gratiae.

52. Tu profugis refugium,

Desolatis consilium,

Tu nobis sis auxilium

Mortis arcens exsilium.