222 Acta Apostolicae Sedis - Commentarium Officiale

scr ibenda putavimus , quam quod arbi trarentur monit is ac praecept is

vos indigere Nostris.

Ad Nos quod attinet, ut saecularia haec sollemnia dioecesi uni-

versae non laetabilia solum, sed etiam salutar ia eveniant, caelestium

vobis precamur munerum ubertatem, quorum pignus apostolica sit

benedictio, quam tibi, venerabilis Frater , et clero ac populo in quo

cotidianae curae tuae pervigilant, amantiss ime in Domino impert imus.

Datum Romae apud S. Pet rum, die x v m iunii MCMXVI, Pontificatus

Nostri anno secundo.

BENEDICTUS P P . XV

V

AD R. P. SBRAPHINUM CIMINO, ORDINIS FRATRUM MINORUM MINISTRUM GENE-

RALEM, SEPTIMO EXEUNTE SAECULO EX QUO INDULGENTIA PLENARIA DE

PORTIUNCULA PRIMUM DIVINITUS DATA EST.

Dilecte Fili, salutem e t apostolicam benedictionem, - r - Ingravescente

in dies hac mole communium miseriarum, quae Nos praecipue habent

anxios et sollicitos, omnem equidem occasionem, quae nobis offeratur,

arr ipimus propit iandae humano generi divinae maiestatis. Nam, cum

miseros faciat populos peccatum, in hoc devenimus rerum discrimen,

ut nisi vulgo homines paeniteat deliquisse ac paeni tendo melioresque

mores inducendo Dei benignitatem mundo concilient, nulla iam salutis

spes rel iqua videatur. Iam vero ad exci tandum in bonis vel salutaris

paenitent iae vel sanctioris vitae s tudium, oppor tune contingit ut illud

propediem commemoretur tam praeclarum divinae indulgentiae munus ,

ante annos septingentos, beatissimo Francisco deprecante, t r ibutum

hominibus, quod a Por t iuncula nominatur . Neque enim huius beneficii

qu isquam potest esse particeps, quin an te rite confitendo peccata expia-

verit, omnemque omnino culpae amorem abiecerit. Accedit quod qui hanc

lucrantur admissorum veniam, iis licet non sibi solum sed etiam pie

defunctis in Christo eam lucrar i : quibus ipsa facultas rei saepius i te-

randae mirum quantum solatii potest afferre. Id quod, si unquam alias,

est certe peroppor tunum hoe tempore, cum haec maximi belli immani tas

mult i tudinem animarum, quae igni piaculari addictae sunt , innumera-

bilibus cotidie funeribus adauget. I taque vehementer quidem cupimus

ut toto orbe catholico ad sacras Franciscanum aedes vel ad eas quas