224 Decreta

Panormitana. Beatificationis et Canonizationis Ven. Servi Dei Fr. Andreae a Burgio Laici Professi Ordinis Minorum S. Francisci Cappuccinorum.

SUPER DUBIO

An constet de Virtutibus Theologalibus Fide, Spe et Charitate in Deum et in Proximum, nec non de Cardinalibus Prudentia, Iustitia, Fortitudine et Temperantia earumque adnexis in gradu heroico in casu, et ad effectum de quo agitur?

DECRETUM . Venerabilis Andreas a Burgio ab infantia Deum timere coepit, et abstinere se ab omni peccato ; cum vero factus esset vir nihil puerile gessit in opere, et consortia hominum fugiens inter Fratres Minores Capulatos S. Francisci adscribi voluit. Religiosum habitum assumens induit Dominum Iesum Christum, accepit armaturam Dei ut posset resistere adversus potestates tenebrarum et in omnibus per- fectus stare. Ideo per arma iustitiae exhibuit semetipsum hostiam Deo placentem in laboribus, in vigiliis, in ieiuniis, in castitate, in lon- ganimitate, in patientia, in charitate non ficta: amore fraternitatis omnes dilexit, nulli malum pro malo reddidit, bona coram Deo et hominibus providit: fuit spiritu fervens, spe gaudens, fide vivens, in tribulatione patiens, orationi instans, semper mortificationem Iesu in corpore suo circumtulit ut et vita Iesu manifestaretur in carne sua mortali. Cum autem diu in agone mundi huius contendisset sancto fine quievit ut bravium supernae vocationis acciperet.

Verum fama Sanctitatis eius, quae, dum in terra vitam ageret, praesertim ob insignium Charismatum splendorem non modo inter suos, sed etiam ad extremas usque Africae oras diffusa erat, in sepulcri obscuritate haud delitüit ; sed magis magisque ihcrevit. Quare instructi fuerunt Panormi et Agrigenti Auctoritate Ordinaria pro- cessus de fama Sanctitatis eiusdem Servi Dei; quibus Apostolica Auctoritate probatis, Summus Pontifex Gregorius XVI sa. me. decimo Kalendas Septembris anni MDCCCXXXV Commissionem Intro- ductionis Causae propria manu signavit. Deinde concessae fuere Litterae remissoriales ut Processus Apostolici inchoarentur. Quorum validitate per eamdem Apostolicam Auctoritatem declarata, ad Vir- tutum heroicarum examen penes Sacrorum Rituum Congregationem perventum est; ideoque locum habuit Antepraeparatoria Coetus in Aedibus Reverendissimi Cardinalis Constantini Patrizi Episcopi Ostiensis et Veliternensis, Sacri Collegii Decani, Sacrorum Rituum Congregationi Praefecti et Causae Relatoris quarto Idus Iulii anni MDCCCLXX . Mox alterum de Virtutibus experimentum actum est in Praeparatorio Conventu ad Vaticanas Aedes collecto pridie Idus