224

CASTRIMARIS

IURIS ADSCRIPTIONIS AD CLERUM

Die 25 Maii 1895. Concil. Trid. Sess. 27 c. 5 De ref.

COMPENDIUM FACTI. Coetus Sacerdotum simplicium civi- tatis Castrimaris ab eiusdem Civitatis Communitate, sub anno 1766, Ecclesiam sub titulo Iesu et Mariae obtinuit gubernandam, et administrandam, quam antea Patres Ie- suitae, postea, Carmelitae dereliquerant. Quia huiusmodi clerus huic Ecclesiae adscriptus in quemdam coetum coalue- rat, nonnullis iuribus, praerogativis et emolumentis fruen- tem, ita pro admissione in eumdem, certae habitae sunt regulae quae iamdiu traditione et consuetudine continebantur, at sub anno 1801 tabulis cónsignatae fuerunt, competentis auctoritatis approbatione munitae. Inter cetera cavetur: «La comunità adunque dei Sacerdoti semplici di Castellamare verrà composta da soli Sacerdoti della Diocesi, escluso sem- pre qualunque Sacerdote forestiero ».

Nihilominus quamplurimi, aliunde nati, aliisve carentes requisitis pro cooptatione in dictum clerum necessariis, quum per fas et nefas contenderent in clerum adscribi ad elimi- nandas dissensiones et difficultates, idem coetus Sacerdotum simplicium congressum habuit sub die 18 Augusti 1857 pro declarando sensu genuino veterum statutorum. Deventum fuit unanimi sententia ad quamdam conclusionem, quam, Episcopus Castrimaris, eius expostulata confirmatione, ratam habuit et executioni demandari iussit decernens, ut in poste- rum novi Presbyteri, qui communitati praelaudati Cleri sim- plicis aggregari volunt, ac cupiunt, omnino habere debeant civilitatem naturalem seu originariam in hac civitate, vi- delicet illam provenientem ex nativitate propria in dicta Civitate ab externo patre, qui domiciliariam Civilitatem iam contraxerit in eadem Civitate et semper incardinationem Im- buerit apud Episcopum huiusce dictae Dioecesis.