221. De ss. Fabiano et Sebastiano.

1 a. Congaudentes exsultemus,
Deo nostro iubilemus,
Omnisque plebs laetetur ;

1 b. Sollennis est iste dies,
In quo patronorum quies
Merito veneretur.

2 a. Urbs supra montem sita
Non occultatur ita,
Quin a longo videatur;

2 b. Sic beatorum vita,
Fide Christi munita,
Non decet, ut sileatur.

3 a. Magnus pastor Fabianus
Milesque Sebastianus,
Horum fit memoria;

3 b. Qui hic Christum amaverunt,
Pro quo mori decreverunt,
Ob quod fulgent gloria.

4 a. Pastor ille generalis,
Miles iste triumphalis
Ambo Christe fideles:

4 b. Ille praedicat patenter,
Iste instruit latenter,
Nec timent infideles.

5 a. Fabianus vigilavit

Ad gregem, quem adoptavit,
Huuc adunare curavit
Sollerter praedicando.

5 b. Tyrannos non formidavit,
Cum perfidis disputavit,
Quos ex lege confutavit
Virtutes perpetrando.

6 a. Sebastianus tegebat

Fidem Christi, quam gerebat,
Hanc possetenus augebat
Sub absconsa chlamyde ;

6 b. Ut fideles confortaret,
Ne a fide quis crraret,
Sed consulte reformaret,
Instabat quam avide.

7 a. Pastor a fidis laudatur,
Miles a cunctis amatur,
Semper Deo placentes;

7 b. Ille solvit piacula,
Iste patrat miracula,
Iter vitae praebentes.

8 a. Pastor affectavit mire
Nomina sanctorum scire,
Qui propter Christum subire
Hic mortem decreverunt.

8 a. Per orbem mandat legatos,
Diacones approbatos,
Qui virtutibus ornatos
Hoc scriptis retulerunt.

9 a. Miles sedule orabat,

Saepe vigil pernoctabat,
Cilicio se domabat
Seque parce cibando.

9 a. Aegrotis medelam dabat,
Desolatos confortabat
Et oppressos relevabat
Pauperes sustentando.

10 a. Post plura capiuntur,
In vincula truduntur
Sancti Deo amabiles ;

10 b. Ut abnegent coguntur

Christum, quod renituntur,
In fide manent stabiles.

11 a. Ob quod capite truncatus
Pastor scandit laureatus
Post plurima tormenta ;

11b. Sicque miles perforatus
Sagittis et laniatus
Per verbera cruenta.

12 a. Haec omnia constanter
Passi sunt et amanter
Ob Iesum , regem caelo-
rum;

12 b. Ex hoc hic venerantur,
In caelis honorantur

Inter agmina sanctorum.

13 a. Pastor bone, Fabiane,
Miles o Sebastiane,
Ne vivamus hic inane
Agite, regamur sane
Proter vestra merita;

13 b. Nosque protegite pie,

Prosperentur nostrae viae,
Ne devoremur impie
A peste epidemiae
Ob nostra demerita.

14 a. Sancti caelis triumphantes,
Nos audite vos rogantes,
Ut iuvamen sitis dantes,
Ne nos turbent malignantes,
Sed per vos sublevemur ;

14 b. Ut hic praesens nosta vita
Sic virtute sit munita
Atque deducatur ita,
Ut, cum fuerit finita,
Cum agnis statuemur.