225

SALERNITANA

I U R I S P A T R O N A T U S

Diebus 14 Iunii 1884 et 16 Maii 1885.

COMPENDIUM FACTI . Ecclesiae extant in pago Torchiati Salernitanae Archidioceseos duae B. M. V. dicatae, altera sub Coronatae et altera sub Lauretanae titulo, regali sa- cello S, Petri ad Curtim nuncupato iam inde a saeculo octavo adnexae, una cum finitima augusta domo, Regum Longobardorum munificentia a fundamentis erecta. Regalis Abbatia sacellum factum est cum iurisdictione quasi episco- pali, quae cessavit deinceps in vim Concordati anni 1818. Iuspatronatus vero super Sacellum et adnexas Ecclesias, Grqncias dictas, Reges ac Principes, praeter Ordinarii iu- risdictionem, iugiter exercuerunt ad annum usque 1505. Fer- dinandus cognomine Catholicus Sacellum et Grancias con- cessit eo tempore donavitque Traiano Equiti Mormile eius- que haeredibus et successoribus, cum omnibus iuribus a Re- gibus in possessionem habitis, et praecipue cum iure prae- sentandi seu nominandi Rectores Abbatiae adnexarumque Ecclesiarum in casu vacationis. Concessionem huiusmodi Ca- rolum V Imperatorem et R. Pontificem Clementem VIII approbavisse fertur.

In vim haereditariae successionis iuspatronatus ad Duces Montis Calvi, seu ad familiam Pignatelli pervenit, quam Marchio Pignatelli, nec non Ioannes et Aloisius equites Pi- gnatelli anno 1871 repraesentabant. Hi factam sibi a civili gubernio potestatem exercentes bona Ecclesiarum sui iuris- patronatus vindicandi, possessionem bonorum Abbatiae ac etiam Ecclesiarum B. M. V. Lauretanae et Coronatae ca- pere, vitalitiâ pensione libellarum 3400 Abbati assignata. Dein anno 1872 Abbatiae praedia quae intra fines oppidi Nocera existebant vendere pro summa libellarum 212,059,16. Et quamvis anno 1876 syngrapham Archiepiscopo tradidis-

Aeta, Tom. XVIII. fase. C G IX. 15