222. De sancta Fide.

1. Sophistica
nunc catervula

2 a. Ac virginum praeclara
contio canat iam laeta,

2 b. Vota reboans pia
voce clara Alleluia,

3 a. Fidis iam quia
dies micat
decorata
almae per saecula.

3 b. Cuius iucunda
festalia
nectarea
propinant gaudia.

4 a. Cuius edita oscula,
gratuita ceu balsama,

4 b. Sponso manant melliflua,
roscida velut ubera.

5 a. Coma caerulea
illi aurea
una cum bractea;

5 b. Exstat purpurea
toga, polita
candens ut lilia.

6 a. Huius ergo fluenta
resident lumina,

6 b. Supposita rosea
gena turturea.

7 a. Illius labella
quia praeclara,

7 b. Murram modo stillant
et per saecula.

8 a. Pulchra tulit terra
olim agmina

8 b. Clara mittens illam
ex prosapia.

9 a. Munifica
quo gaudia
capiamus
per aeterna saecula,

9 b. Monastica
modo lingua
recinamus
simul voce robusta.

10. Gloria,

rite qui gubernat
omnia.