Acta Apostolicae Sedis - Commentarium Officiale

nullimode dubitat, cum nil magis consensui contrarium sit quam error.

Sánchez, De Matrim., lib. IV, disp. 18, n. 5.

Testes vero omnes et coniuges fide dignos praedicant, et eorum dicta

confirmant, non modo quoad conventionem contra matrimonium initam,

de divortio petendo si necesse fuerit, prouti supra visum est, sed etiam

quoad huius conventionis persisteiitiam, seu non revocationem.

Vinculi Defensor, cum nec conventionis exsistentiam inter coniuges

initae de matrimonio dissolvendo denegare posset, nec coniugum igno-

rantiam de matrimonii nullitate, ut aliquo modo vinculum tueretur, re-

cursum habuit ad hypotheses quae carent fundamento. Supponit enim

matrimonium fuisse in casu contractum sub conditione suspensiva, quae

tractu temporis purificari potuit, sub conditione nempe de coniugum feli-

citate, in matrimonio obtinenda. Merito tamen animadvertit actoris patro-

nus, adiectam legem « si le mariage n'était pas heureux » haud conditio-

nem significasse, sub qua consensus in matrimonium praestitus fuit; sed

causam ob quam inita inter coniuges conventio fuerat, quaeque proinde

eiusdem conventionis exsecutionem determinare debebat. Quare in casu

consensus in matrimonium haud remansit in suspenso, ut purus evaderet,

purificata conditione, sed fuit inde ab initio vitiatus, seu potius nullus;

Incassum pariter vinculi Defensor ea iuris principia casui aptanda

censuit, quae, ante decreti «Ne temere» promulgationem, de matrimoniis

vigebant, quae in locis, in quibus caput « Tametsi » Concilii Trid. non erat

publicatum, cum impedimento metus fuerint contracta. Haec sane matrimo-

nia, cessante impedimento, seu purgato metu, revalidari poterant per copulam

affectu coniugali habitam, et per diuturnam cohabitationem pacificam et

tranquillam, dummodo pars metum passa certo sciverit primum matnmor

nium fuisse nullum, et altera pars interim suum consensum de facto non

revocaverit. Siquidem contraria prorsus sunt in uno et altero casu rerum

adiuncta. Matrimonia namque nulla ex causa metus in locis capiti « Tametsi»

Conc. Trid. non subiectis, revalidabantur cum coniuges pacifice cohabitare

incipiebant, dum contra cum matrimonium nullum est ex defectu consensus

ob adiectum pactum de illo dissolvendo in hypothesi infelicitatis, tunc

tantum revalidari posset cum adiecti pacti exsecutio urgeret, seu eum

coniuges non amplius sunt felices: at tunc adamussim conditiones desunt

ex quibus praesumere datum est, coniuges ab inito pacto recessisse, etiamsi

copulam inter se habeant.

Ceterum in casu, prouti visum est, quaevis defuit ex parte coniugum

consensus renovatio, sicuti defuit in ipsis scientia de nullitate initi coniu-

gii, ex qua una ipsa consensus renovatio initium et vim sumere poterat.

Gasparri, De matrim.? n. 1397; Schmalzgr. in 1. IV, tit; I, De sponsal., n. 421.