226 PARISIEN.

milibus... quae sensu corporis percipiuntur ». Consonant Barbosa vot. decis. lib. 1, vot. 1, num. 84. Tum S. Rota coram Ludovisio decis. 326 § 26 : « in concursu plus cre- ditur duobus de metu deponentibus, quam mille de voluntate spontanea et libera ».

Mater actricis deposuit, filiam propriam oppositionem amplius non fecisse, quando eidem persuasit opus esse ho- mine pro eorum defensione, quia pater iam senuerat.

Quoad difficultatem exurgentem actricis, a depositione matris actricis advocatus observat matris iudicium hac in re non esse attendendum; ipsa enim non solum nunc in- teresse habet minuendi propriam culpam, sed etiam tunc ultro decipi potuit, falso existimando filiam suam libere ac- ceptasse quod ipsa mater nimio ardore expetebat quodque contra filia nonnisi ex metu patiebatur. Compertum prae- terea est non raro evenire, ut vi maiore quis pressus et ad incitas redactus loquatur ambigua vel etiam talia quae nul- latenus sentit et a quibus imo mens prorsus abhorret. Hinc celeberrimum illud quod decrevit Alexander P P . III in cap. 14 De sponsal. - ibi - « Matrimonium solo consensu contrahitur et ubi de ipso quaeritur, plena debet securitate ille gaudere, cuius est animus indagandus ne per timorem dicat sibi placere quod odit, et sequatur effectus qui de in- vitis solet nuptiis provenire ».

Sed dato etiam et non concesso supra expressum matris iudicium reipsa veritati consonum esse, adhuc tamen pro matrimonii nullitate hoc facere credit advocatus. Explorati enim iuris est ad irritanda matrimonia filiorum familias sufficere vel solas preces et suasiones importunas parentum; quia scilicet his positis, filiifamilias merito timent ne, con- sensum denegando, incurrant eorumdem parentum indigna- tionem, quae certe grave malum est et uti tale habetur in iure. Ita nempe scripsit cl. Sánchez, De matr. lib. 4, disp. 6, n. 14 - ibi : - « si (filia) timeret probabiliter diu- turnam fore indignationem et semper se habituram patrem valde infestum et indignatum obiecturumque passim illam