223. De s. Firmino Ucetiensi.

1 a. Firmini firmitas,

Firma miraculis,
Et vitae claritas
Clarescat populis,
Cuius in saeculis
Viget auctoritas
Gloriosa.

1 b. Caret gentilitas

Baptismi rivulis,
Firmini ruditas
Doctrinae poculis ;
Par fit discipulis
Sancti strenuitas
Generosa.

2 a. Cum leprosum osculatur,
Lepra fugit, innovatur
Cutis horrens osculo;

2 b. Morbus veste devastatur,
Caecus videt, et fugatur
Daemon mentis modulo.

4 a. Fani
Profani

Dum cultum devovet,
Mentes
Dementes

Contra se commovet,

4 b. Genti
Furenti

Dat vitae poculum
Gratum,
Ingratum

Gens fera baculum.

5 a. Dum diabolici

Mens furit rustici,
Lapis non potuit
a manu proici
Nec laxatur.

5 b. Visum miraculum
Perterret populum,
Et genti perfidae
fidei poculum
Ministratur.

6 a. Post Firminus transfretavit
Et puellae liberavit
Corpus a daemonio;

6 b. Factum viri tam praeclarum
Cunctis miro columnarum
Patet testimonio.

7 a. Fera nescit feritatem,
Sancti sentit sanctitatem
Sacrum verens cinerem.

7 b. Corpus terrae commendatur,
Sed spiritus elevatur

Summum super aetherem.

8 a. Intercedat ergo bonus

Pastor noster et patronus
Pro nobis ad Dominum.

8 b. Qui superna reguas arce,
Prece tua nobis arce
Suggestorem criminum.

9 a. Fac, ut nobis condescendat
Christi mater, et defendat
Deus exercituum ;

9 b. Habeamus te pastorem,
Sentiamus adiutorem
Nunc et in perpetuum