CASTRIMARIS 227

Siquidem qualitates plures a statuto requisitae omnes com- probari debent, nec sufficit probare unam sine altera, Rota rec. decis. 78, p. 3 rec. etc.

Quaelibet societas, pergit orator, quaelibet communitas, imo fere omnes civitates et regiones peculiaribus statutis re- guntur, quae inviolabiliter sunt servanda quippe in casu non agitur de illicitis et iis quae disrumpunt nervum disciplinae ecclesiasticae. Ad rem Card. De Luca De iudiciis disc. 36 n. 42 et seqq., apprime determinat peculiarium statutorum praevalentiam in iudicando, sive in foro laicali, sive in foro ecclesiastico, num. 44 in primo casu docens statutum alicuius, universitatis subalternae esse primo loco attenden- dum, et deficientibus iuribus particularibus recurrendum esse ad ius commune civile in foro saeculari. In secundo casu nempe in foro ecclesiastico, sic edisserit num. 49 ibi: « In altero autem genere iuris ecclesiastici seu canonici retinetur idem ordo comparative, quod scilicet prius attenditur ius magis particulare quod consistit in legibus vel statutis ali- cuius capituli, vel collegii aut alterius ecclesiasticae univer- sitatis in iis quae seipsam eiusque membra concernunt. Postea vero attenduntur constitutiones synodales, dioecesis, et in istarum defectu successive, et gradatim constitutiones synodales provinciae. Et demum ius canonicum seu Ponti- ficium generale, quod continetur in libris decretalium vel in Apostolicis Constitutionibus, quae pro Ecclesia Univer- sali conditae sunt ».

Sed vero leges huiusmodi statutorum, instat patronus, éliminant abusus concurrentium ad participationem, quae ad minimum redigerentur cum praeiudicio aliorum, et cum ne- gligentia divini cultus. .Aliunde Summi Pontifices in regno utriusque Siciliae hasce approbarunt consuetudines. Prae ce- teris Paulus III. in Ap. Brevi. In supereminenti coarctat numerum participantium ad clerum ecclesiae Tarentinae, quippe propter innumeros clericos, qui importune admitti cupiebant ad clerum, singuli cives dictae civitatis, singulos eorum natos ad alimenta sibi necessaria aliunde quaerenda