ANAGNINA 227

«edicere debuissent. Eo vel magis aiunt quod de odiosis age- retur : etenim Indultam tertiam relinquentes partem ex qua Missarum stipendium sumendum, easque insuper propriis ex- pensis explere curantes bis solvere cogerentur. Quare legis- lator, subdunt, si tale onus ipsis imponere voluisset, pro- fecto aperte'declarasset, iuxta illud « Legislator quod vo- luit expressit ».

Nec admitti posse addunt, eos ad Conventualem cele- brandam munusque ministrorum gerendum, magisterii causa absentes, per alium teneri, saltem vi pacti obligatorii ab ipsis ultro suscepti, scilicet cum paulo post captam posses- sionem iusiurandum dedere, se dictae obtemperaturos Con- stitutioni, prout in capite XVII, a. 2 praecipi videtur : « In alio autem Conventu Capitulari, si nihil obstabit, fi- dei professionem flexis genibus emittat, iuretque se legisse statuta, eorumque observantiam promittat sub poenis in eis- dem contentis ». Animadvertunt nempe ipsorum iusiuran- dum non modo ea quae in cap. XIII continentur respicere, prout alii canonici vellent, iubentia scilicet Conventualem per se vel per alium celebrari ; sed totam Constitutionem, una cum cap. XII ubi aperte asseritur legitime absentes •omnes beneficii sui reditus percipere, quin aliquid ceteris relinquere cogantur collegis, iuxta ea quae in aa. 28, 30 supra relatis habentur. Quare inferunt, si ipsi (Indultam) hac ratione onera substinere coguntur, cur eisdem dene- ganda erunt iura, quae ipsis eadem Constitutio tribuit ? Proinde arguunt, aut Indultariis iuris communes praescri- ptiones sunt aptandae aut capitulares Constitutiones. Si primum profecto tertiam sui beneficii partem amittant opor- tet pro diebus scilicet et horis, quibus a choro Ob officia in indulto adnotata impediuntur, quin tamen teneantur, dum- modo legitime impediti, ad Conventualem celebrandam. Sin alterum admittatur, profecto iuxta ipsum cap. XIII per alium quidem ad celebrandam Conventualem, etiam legitimo exi- stente impedimento, tenebuntur; verum vi ipsius cap. XII immunes a relinquenda tertia sui beneficii parte, dicendi erunt.