227. De Ordine s. Benedicti.

1. Sacer ordo Benedicti
Utitur amictu miti
Pro suo velamine,

2. Albo, nigro, camelino,
Lana texta sine lino,
Prout est religio.
3. Hic monarcha monachorum,
Patriarcha est cunctorum,
Qui ad se confugiunt ;
4. Coenobitis praebet normam
Et anachoritis formam
Vias rectas ingredi.

5. Cujus regularis usus
Nunc ubique est diffusus
Inter orbis climata,
6. Nam Specus cultus divini
Locusque montis Cassini
Redolent virtutibus.
7. Hinc Fuldenses cum fervore
Claustra multa cum decore
Regunt in Almannia,
8. Adsunt et Cluniacenses
Simulque Camaldulenses
Cum Cisterciensibus.

9. Valumborni, Silvestrini
Supersunt et Coelestini
Sub diverso habitu,

10. Montis Oliveti patres

Humiliatisque fratres

Sub eadem regula.

11. Vigent quoque Justinienses,
Cum candore Bursfeldenses
His diebus ultimis.