QUAESTIO XX.

Utrum partes organicae animalis habeant distinctas formas specie differentes ?

Alens. 2. p. q 62. memb. 2. D. Thom. 1. p. q. 76. art. 4. Gajet. ibid. A vers. 6. Phys. comment. 59. et 2. Metaph. text. 17. Henric. quodlib. 2. q. 2. quodlib. 4. q. 13. Gapriol. 2. dist. 15. Ferrar. 2. contra Gent. cap. 58. Bargnis 1 dict. 30. Durand. 1. dist. 9. q. 1. Gregor. 2. dist. 16. q. 2. Aegid. in tract. de pluralit. formarum. Ant. And. hic q. 17. Trombet. lib. 8. hujus q. 2. Paul. Venet. in summa de anim. cap. 5. Bann. 1. de Generat. c. 4. q. 8. art. 4. Marsil., ibic. q. 6. Herveus. icoct. de pluralit. formar. Fonsec. 2. Metaph. cap. 2. q. 1. sec. 8. Suar. disp. 15. Me-taph. sect. 10. Conimbr. 1. de Generat. cap. 4. g. 22. vide Scot. in 4. dict. 1. 3. 3. a. 2.

Quod non, ex duobus in actu non fit unum, in littera t. c. 49. duo actus constituunt duo in actu ; igitur, etc. Item, ex duobus numero non fit unum ; ergo nec ex duobus specie, quae magis differunt. Item, diversa specie, non continuantur, quae enim forma perficeret materiam, quae subest termino continuanti? animal est unum continuum 5. hujus. cap. de Natura, unum sunt, secundum quod continuum ad natum et cui nascitur: ergo et hic. Item, unam formam substantialem ordine naturae sequitur una forma in materia; forma alimenti est una, quam consequuntur immediate formae partium organicarum, quia quaelibet pars organica simul nutritur, ergo, etc. Item, dividatur vermis, utraque pars manet animata, si in eis sunt diversae formae specie, erunt animalia diversae speciei: ergo vermis prius non fuit unum animal; si in eis est una forma specie, ergo et prius in toto.

Contra, movens et motum sunt duo in actu, una pars movet aliam partem animalis. Item, accidentia magis diversa insunt partibus diversis organicis, quam sint diversa accidentia multorum specie differentium. Item, operationes indicant formas, sed diversas habent operationes specie partes organicae. Item, diversa mixtio in diversis partibus ; ergo alia forma. Item, in omni parte mixti omnes sunt formae elementares, secundum aliquos, et tamen mixtum est unum ; ergo magis est hic.