Acta Pii PP. XI 229

A CTA, vol. XX, n. 7. - 2-7-928.

PIUS PP. X I

1 6

miles repente factus est. Etenim cum. confecto bello, plurimi essent pueri

qui orbati parentibus in egestate summa versarentur, eos Dei famulus

in hospitales domos recipiendos christianoque more educandos curavit.

Brevi igitur non pauca is condidit orphanotrophia: Mediolani et Ticini,

Brixiae et Bergomi, Novocomi et Somaschae, unde Ordo nomen traxit.

Singulari quodam incensus apostolatus ardore, alia plura ac praeclara is

gessit in rei christianae utilitatem; praesertim egentibus puellis opitulando,

aegrotis in valetudinariis inserviendo, pauperibus per agros catechismum

tradendo, illa quidem ratione primus utens rogandi et respondendi, quae

deinde, ob rei perspicuitatem, a S. Carolo Mediolanensi et ab Ecclesia

universa adhibita est. Pestilentia demum correptus legifer Pater vester,

cum eodem morbo aegrotantibus subveniret, caritatis victima Somaschae

sanctissime obiit, dignus profecto quem Nos recens « Orphanorum et dere-

lictae iuventae Patronum universalem » declararemus. Ita a caritate

Christi profectus, mirifice sane Ordo vester per Italiam propagatus est,

et caritatis spatia dilatando, impensiorem operam non modo orphanis

alendis et educandis, sed etiam studiosae iuventuti recte instituendae

dare coepit. Quapropter evenit ut Somaschenses Sodales plurima rege-

rent instituta, altioribus etiam studiis excolendis: Seminaria, academias

et collegia, ubi adulescentes cuiusvis ordinis cum christianis moribus tum

doctrina egregie imbuebantur. Ac longum hic est clarissimos viros reco-

lere qui apud vos instituti, disciplinis sacris, profanis, litteris amplissimas-

que honoribus floruere: ut verissime dici queat optime quidem de catho-

lica civilique re Ordinem vestrum meruisse. Quapropter valde est vobis

laetandum de eventi faustitate. Quod si olim, ob magnam illam rerum

omnium conversionem, Somaschensium quoque Familia non pauca passa

est detrimenta, est tamen in praesens cur ex frequentiore quae vobis suc-

crescit sobole spem multo laetioris incrementi capiatis: idque eo certius

assequemini quo studiosius vestigiis institeritis legiferi Patris, non modo

in caritatis campo, sed etiam in religione fovenda erga Virginem Deiparam,

quam ab ipso veluti hereditate accepistis. Interea, libenter equidem in

partem venimus laetitiae vestrae; ac fore confisi ut saecularia haec sol-

lemnia uberrimas christiano populo utilitates afferant, in divinorum mune-

rum auspicium et in paternae benevolentiae Nostrae signum, tibi, dilecte

fili, singulisque tuis sodalibus et alumnis apostolicam benedictionem

effuso animo impertimus.

Datum Romae apud S. Petrum, die x Apr. MDCOCOXXVIII, Pontificatus Nostri septimo.