RHEMEN. 229

tempora et fidei plena, quibus populo ea persuasio insederat, prout in tertia Romana Synodo legitur u quod R. Pontifex , si cano- nice fuerit ordinatus, meritis b. Petri indubitanter efficitur san- ctus, testante s. Ennodio Papiensi Episcopo, ac multis ss. Pa- tribus faventibus , sicut in Decretis b. Symmachi continetur. » Quae omnia dum pontificiam dignitatem , aô civium Romanorum fidem quam maxime i l lustrant , momentum tamen inde deductum pro singulorum Pontificum sanctitate et cultu, quam maxime exte- nuant. Insuper optimae notae scriptores, inter quos Baronius haud Urbanum appellant sanctum aut beatum.

Quoad imagines Urbani II animadvertere in primis est, eas iu- diciali ritu haud fuisse recognitas et ad recentiorem epocham per- tinere. Praestantes artis pictoriae tribuunt picturam Terracinensem termino saeculi 17 aut initio 18. Episcopus vero Terracinensis te- statur haud inibi exhiberi specialem cultum Urbano I I . Tres vero imagines in Àrchicoenobio Cassinensi asservatae epocham certam praeseferunt ; et iuxta peritos prima confecta fuit anno 1677, se- cunda anno 1706 et tertia anno 1700. Imagines aere cusae vel ad Urbani VII I aeram minime pertinent, vel ad rem proprie non faciunt. Nam animadvertit Pignattellus Consult. 24A u iudicium publici cultus ecclesiastici ab iis tantum imaginibus desumi potest, quae in publicis locis pictae reperiantur. » Itaque, conclusit fidei Promotor , neque praescriptio , neque possessio legitime probata dici valet.

Quoad cultum observandum venit quod accidit Castellione; idest ad haec usque tempora nullus quidem cultus publicus ei (Urbano II) exhibebatur , ceu ipse causae postulator non invitus fassus est. At capta occasione , qua Ecclesia Prioratus Binsonnensis restituta fuit , extemplo publicus cultus Urbano II adhiberi coeptus est ; et anno 1877 locum habuit benedictio statuae eiusdem, Pontificis in Ecclesia Binsonnensi. Quae recentissimae cultus significationes longe absunt ut causae suffragentur.

RESPONSIO AD ANIMADVERSIONES PROMOTORIS FIDEI.Quum refutavisset. censoris obiectiones quoad processus formam, ad cultus probationes digressus est advocatus.Tam loquutus sum, ait iste, in informatione quanta sanctitatis fama propter heroicas suas virtutes, ac res prae- clare gestas Summus hic Pontifex potitus sit: coaeva de eiusdem pretioso obitu testimonia exhibui , ingentem populi concursum ad sepulchrum, devotionis causa, in Vaticana Basilica significavi. Miracula pariter eiusdem b. Urbani intercessione patrata ostendi,