SYPONTINA 229

sacerdotem Limongelli saepe saepius etiam in ipsorum ec- clesia S. Nicolai dictum ostensorium adhibuisse.

Demum, arguit canonicus, a. 1895 ecclesia S. Catha- rinae ab Archiepiscopo Sypontino fuit interdicto supposita ac proinde omnia sacra suppellectilia confraternitatis a SSmo Sacramento ipsi sacerdoti Limongelli tradita sunt custodiae; mense autem septembri a. 1896 eadem suppellectilia ipse restituit praeter res, quae nunc inter litigiosas recensen- tur, et tamen syngraphas habuit a confratribus, quibus o- mnia ad se pertinentia recepisse ipsi testantur.

Relate vero ad librum administrationis et velum cali- cis, can. Limongelli simpliciter asserit ea semper in sua possessione extitisse, quia velum ab ipso propriis sumpti- bus fuit comparatum, atque librum a seipso conscriptum fuit et suo usui destinatum, ut vel libri inscriptio deno- tat : « ad uso del Canonico Michele Limongelli ». In ge- nere canonicus Limongelli absque ambagibus asserit se haec omnia utensilia, quibus et confraternitas et aliae ecclesiae indigebant, eo consilio acquisivisse ut eadem locaret certa pacta mercede, unde ipse et eius sorores nubiles retrahe- rent necessaria vitae sustentandae.

Demum quoad statuum S. Agnetis, can. Limongelli as- serit suis expensis , rogatus a pia Unione, statuam acqui- sivisse , eo tamen animo ut fideles et praesertim sorores sodales piae Unionis stipem conferrent, prout spoponderunt; item de suo impendit pro emendis vestibus et statuae or- namentis. Expensae autem, quas ipse nomine piae Unionis fecit, ad 340 libellas attingunt ; quare concludit si a 340 libellis detrahantur illae 75,75 lib. a pia Unione de facto acceptae, solvenda supersunt 264, 25 libellae, et tamen eas pia Unio refundere recusavit. Nihilo secius dictus ca- nonicus contendit ipsi spectare statuam S. Agnetis, quum fere ex toto eam solverit.