230 RHEMEN.

de quibus coaevi gravissimique viri fidem perhibuere. Nil itaque- mirum si eximiae Urbani virtutes, pretiosa eius mors, quae reve- lata etiam fuit, ac prodigia ipsius ope exinde subsequuta, maximam sanctitatis opinionem in fidelium cordibus genuerint.

Ex huiusmodi origine nobilissima veneratio erga Urbanum II incoepit, praecipue in ordine Benedictino. Et compertum est ex antiquis instrumentis ab immemorabili constructam fuisse Aedicu- lam in loco, ubi b. Urbanus super petram paullum sedisse fertur, cum ad Cathedralem Basilicam ssmae Trinitatis Cavae anno 1092 consecrandam venisset. Ab immemorabili pariter constat quam- plures Monachos consuevisse die suae monasticae professionis usur- pare nomen Urbani I I , in venerationem eiusdem Pontificis.

Eius in Pontificatu successor Paschalis I I , de Urbani sanctitate scripsit: u Urbani Papae doctrina et vita quam sancta, quam grata Deo extitit, exitus profecto melius approbat, et ipsa totius Ecclesiae protestatur tristitia. » Nedum in Ordine Benedictino ,. sed etiam in Urbe Urbanus II ecclesiastico cultu potitus est. Etenim Callixtus II circa annum 1124 celebri aedificato in Lateranensibus aedibus sacello , in eius ábsida pingi iussit Urbanum II et alios quinque Pontifices suos immediatos praedecessores, qui cum Enrico Imperatore pro tuendis Ecclesiae iuribus decertaverant. Benedi- ctus XIV lib. 1. cap. 41 ostendit, istos Pontifices, propter eorum insignes virtutes ac supernaturalia signa, sanctitatis opinione ga- visos fuisse. Penes aulas pontificias mos invaluit, ceu eruitur etiam, ex continuatione Libri Pontificalis saeculi XI et XII , ut aliquas formulas sequerentur scriptores in actu descriptionis obitus Ponti- ficum. Ac praecipue confessoris titulum iis solummodo insignioribus Pontificibus tributum fuisse constat, qui in Romana Curia publico atque ecclesiastico cultu fruebantur. Ast Petrus Pisanus de Ur- bano II scripsit u qui Christi confessor et bonus Christi athleta apud s. Nicolaum in carcere.... animam Deo reddidit, n Quod additamentum u boni Christi athleta » arripuit scriptor ex antiquissimo libro pontificali in vita Pontificis Nicolai I. Hae formulae adhibitae a scriptoribus cum speciali discretione fuerunt*, ideoque in vita Callixti I I , licet celeberrimus fuerit Pontifex, ad diem eius mortis scriptum fuit u obdormivit in Domino, defunctus in pace. » De Innocentio II scriptum reperitur « defunctus est » Insuper scriptor vitae Urbani II fuit Petrus Pisanus, ad dignita- tem cardinalitiam a Paschali II evectus; qui probe scivit quantae auctoritatis esset titulus Confessoris cum additamento boni Christi