230 SALERNITANA

Inquirendum superesse an Ianuarius Mastrangelo dota- tionis vel aedificationis titulo iuspatronatus acquisiverit. Ast quod respicit dotationem, eum in sensu iuris dotare Ec- clesiam dici, qui sine dote fundatae et constructae reditus assignat, qui pares sint Ecclesiae Ministris retribuemus, pa- ramentis luminaribus aliisque ad cultum necessariis compa- randis. Ita passim DD. argumento can. Quicumque 30 et can. Filiis 31 caus. 169,7. Et si dos non es'set sufficiens, dotantem patronum non fieri, sed tantum Ecclesiae bene- factorem; Abbas in cap. ad audientiam 3 de iurepatr. n. 4; Glossa in can. Quicumque 30 caus. 16 qu. 7; Garcias de Beneficiis p. 5 cap. 9 num. 52 ubi allegat declarationem S. C. C. ita se habentem: Dotans insuff cienter, quod ar- bitrantur Ordinarius, non acquirit iuspatronatus, sed di- citur benefactor. Idem dicendum esse de dotante Ecclesiam, cuius dos primitus data periit omnino.

Aedificatorem. Ecclesiae illum dici qui eam propriis sum- ptibus et de Ordinarii consensu construxit cap. Nobis 25 de iurepatr. vel qui Ecclesiam penitus destructam reaedi- ficavit; Garcias de Benef. p. 5 cap. 9 num. 52; Fagnan. in cap. Quoniam de iurepatr. num. 52 et Pirhing. eod. tit. num. 8. Quod si Ecclesia non sit penitus destructa, qui eam reiicit reparatque haud eam aedificasse censendum esse, ceu tradunt allegati DD. et Glossa in-cap. Quoniam de iurepatr. §. Fundatores. Id valere etiamsi Ecclesia successive diversis temporibus per partes tota fieret nova. Azorius p. 2 tit. 6 cap. 10 q. i ö ; Pirhing loc. cit.

Utrumque titulum tum dotationis tum aedificationis a facto alienum esse. Etenim constare Ianuarium nihil Eccle- siis dedisse: e converso dotationem ipsam iam existentem, per emptionem bonorum suam fecisse. Constare etiam nul- lam ipsum Ecclesiam construxisse, vel penitus destructam reaedificasse. Valde autem dubitandum esse de pertinentia summae libellarum 37,238 pro Ecclesiis in elegantiorem formam restitutis ac pro domo iisdem adnexa a funda- mentis excitata, quae a Raphaele Mastrangelo Sacerdote,