250 CASTRIMARIS

« Minus Mauritio concurrunt qualitates per constitutio- nem requisitae in secundo casu; ipse enim non est natus in territorio, sed in oppido, et Marius pater non ducit ori- ginem ex oppido, sed ex villa SS. Faustini et Io vitae ab eodem distante per duo milliaria, et Helena mater ex civi- tate Parmensi ».

In sequelam harum doctrinarum, advertit patronus, et post observationem ferme quadragenariam a confirmatione ac declaratione curiae Castrimaris non patet quo iure prae- sumat adversarius, contradicente statuto, adscribi in pecu- liare consortium.

Deinde observat advocatus quod sententia Curiae Castri- maris frustra recurrit ad Constit. Speculatores Innocenti XII confundens domicilii nativitatem cum acquisito domicilio ad ordines sacros suscipiendos. Nam nemo non intelligit quod si aliquis externus, puta Parmensis, Venetus, aut Neapolita- nus Romae stabile domicilium vel beneficium residentiale consequetur, canonice possit ad sacros ordines extolli. Pa- riter vel a primis iurisprudentiae elementis addiscitur, posse Episcopum conferre sacros ordines familiari suo, qui per in- tegrum , et completum triennium in suo actuali servitio secum retinuerit, ac suis sumptibus aluerit.

Quare concludit, quod iam exposita sane non tangunt neque vulnerant aestimationem sac. Antonii Di Napoli, sed legem statutorum providentissimam protuentur, ne cum damno tertii participantes multiplicentur ; et obliteretur ada- gium: « Principiis obsta; sero medicina paratur ».

DEFENSIO SACERDOTIS D I NAPOLI. Favore huius Sacerdotis, qui speciales allegationes pro hoc appellationis gradu non protulit, nonnulla excerpta sunt ex actis et probatis in prima et secunda instantia. Ex his enim quoad factum originis et domicilii familiae Sacerdotis Di Napoli constat die 15 Iu- lii 1792, in paroecia Domus Castrimaris baptizatum fuisse Vincentium Di Napoli, avum Sacerdotis Antonini, natum ex coniugibus Antonino et Caietana di Napoli, qui cives Ca- strimaris et ipsi iam fuerant. A Vincentio procreatus fuit