227. De sancta Genovefa.

1 a. Pangamus sollennia
Genofevae praeconia.

1b. Hanc illustris Gallia
Colit lustrans mortalia.

2 a. Cuius speciali gratia
Parisius fide, iustitia,

2 b. Praefulget caput in Francia .
Custos urbis fit haec propria.

3 a. Quam laudat caeli curia,
Laus tibi sit et gloria.

3 b. Ave, tutrix cum Maria
Pelle nobis contraria.

4 a. Dei genetrix, regina

Polique orbis, praecipua

4 b. Parisius est domina,

Sed tu custos es assidua.

5 a. Hanc fame, lymphis serves,
Hostium iaculis,

5 b. Igne, peste praeserves,
Cunctis periculis.

6 a. Virgo Francigena,
Fis miraculis,

6 b. Caritate plena,

Refulgens saeculis.

7 a. Tu es, gloriosa,
Sponsa formosa

7 b. Cbristi, pretiosa
Ac gratiosa.

8 a. Mortuos

Suscitas, claudos,
Febre tortos,
Paralyticos, mutos,

8 b. Leprosos,

Rabidos, surdos,
Caecos, aegros
Tu sanas infinitos.

9. Tua sancta praesidia

Nobis conferant caeli gaudia.