211. De Tempore Vernali.

1. Tempus adest floridum,
surgunt namque flores,
Vernales in omnibus
imitantur mores,

Hoc, quod frigus laeserat,

reparant colores,
Cernimus hoc fieri

per multos labores.

2. Sunt prata plena floribus

iucundo aspectu,
Ubi iuvat cernere

herbas cum delectu,
Gramina et plantulae

hieme quiescunt,
Vernali in tempore

virent et adcrescunt.

3. Hae vobis pulchre monstrant

Deum creatorem,
Quem quoque nos credimus

omnium factorem ;
Tempus ergo hilare,

quo laetari libet,
Renovata iam mundo

nos novari decet.

4. Terra ornatur floribus

et multo decore,
Nos honestis moribus

et vero amore,
Gaudeamus igitur

tempore iucundo,
Laudemusque Dominum

pectoris e fundo.