Sermo II .

Dominica in octava Paschae. Sermo fratris Bonaventurae Fratribus Parisius, in Capitulo de mane.

Omne, quod natum est ex Deo, vincit Mund um, primae Ioannis quinto .

Duae propositiones in brevi verbo isto tanguntur, scilicet una universalis, mittens ad originale principium recognoscendum, cum dicitur: Omne, quod natum est ex Deo, per conformitatem; altera particularis, mittens ad verum mundi huius contemptum, cum additur: vincit mundum, per virtutem.

Circa lotum nota, quod nos, qui sumus ex Deo nati, per gratiam regenerantem, debemus vincere mundum, id est mundi stoliditatem, per fidei veritatem; Ioannis primo : ''Dedit eis potestatem, filios Dei fieri, his qui credunt in nomine eius, qui non ex sanguinibus neque ex voluntate carnis neque ex voluntate viri, sed ex Deo nati sunt.

Fragilitatem, per spei stabilitatem; Ioannis decimo sexto: Mulier, cum parit, tristitiam habet, quia venit hora eius; cum autem pepererit puerum, iam non meminit pressurae propter gaudium, qui a natus est homo in mundum. ''

Malignitatem, per Spiritus sancti caritatem; Ioannis tertio: Quod natum est ex carne caro est, et quod natum est ex spiritu spiritus est.

Ingratitudinem, per gratiarum actionem ; primae Petri primo: Benedictus Deus et Pater Domini nostri Iesu Christi, qui secundum misericordiam suam magnam regeneravit nos in spem vivam per resurrectionem Jesu Christi ex mortuis etc.