Acta Benedicti PP. XV 2 3 1

Quam in re t inenda verae f idei pur i ta te constant iam Deum ipsum

singulari praemio prosequi voluisse inde colligitur, quod Peruvia, prae

ceteris Americae regionibus, sanctimoniae laude ac splendore floruerit ,

pluresque ex eius fi l i is Ecclesia veneretur caelitum beatorum honor ibus

auc tos : quos inter longe eminent Rosa gentis vestrae pat rona, pr imus

Americae meridionalis flos, et Turibius Limensium antistes, cuius fer-

venti studio foecundissimaque actuositate mirum in vobis catholica

fides et catholice vivendi ratio incrementum coepit. Verum quod in

Evangelio a Christo Domino praedictum legimus, id p lerumque et ubique

contingit: quod nempe Deus seminat in agro suo bonum semen, sed

venit inimicus homo et superseminat zizania in medio tritici. Hoc autem,

venerabiles fratres, apud vos etiam nunc fieri , gravi sane moerore animi,

conspicimus. Novimus etenim acatholicos h a u d parvo numero peruvianas

pervasisse ter ras , ibidemque omni as tu omnique adiumento, nec frustra

omnino, conatos esse ac conari catholicorum mentibus errores suos inse-

rere eorumdemque animos abst rahere a catholica Ecclesia. Id quidem

scholis p rosequuntur et publicis magisteriis, ephemeridum ac librorum'

evulgatione, virorum et maxime adolescentium coetibus, in primis autem

apud pauperes pecuniarum largi t ionibus: quibus aliisque eiusmodi argu-

mentis non singulos modo homines, sed et familias et municipia deme-

reri sibi student, quo facilius et lat ius er rorum suorum venena quaqua-

versus spargant . Grave is tud catholicorum animorum periculum dolere

sane et conqueri oportet, venerabiles fratres, a t t amen videndum pari ter

est ne quod in Evangelio notatur , istic etiam al iquando evenerit aut

eveniat ; inimicus namque homo superseminavit zizania quum dormirent

homines;1 de quo vobis, qui cleri quisque vestri conditiones nostis,

iudicium re l inquimus ; u t r u m scilicet detr imentum, quod heterodoxorum

ar t ibus fides apud vos coepit, sit necne sacerdotum negligentiae ac desi-

diae t r ibuendum. Labia certe sacerdotum custodire debent scientiam,

idque non sibi unice, sed ut popu lum Dei doceant ver i ta tem: ubi ergo

veritatis lumen ext inguitur au t tenebris obtegitur, indicium est quod

sacerdotes aut scientia careant debita, aut quod, officii immemores, eam

communicare cum fidelibus negligant. Ad vos igitur, venerabiles fratres,

Peruviae vestrae caritate impulsi, hor ta t iones Nostras convert imus

Vestrum est, ante omnes, videre et vigilare ne gregi vobis commisso

inferatur damnum. In quo pastoris boni Christi Iesu exemplum habetis

qui animam suam posuit pro ovibus suis. Quod si humanae debilitati

propius exemplum cupitis, adsta t vobis bea tus vester Turibius, qui

1 MATTH., X I I I , 25 .