RHEMEN. 231

athletae. Hoc autem testimonium Petri Pisani authenticum habe- tur; quia biographiae Praecessorum Paschalis II in pontificali libro conscriptae, habitae sunt tamquam exaratae non solum iussu , sed inspirante praedicto Pontifice. Qui Pontifex Paschalis II de pretioso obitu Urbani I I , ac de glorioso eius sepulchro, prodigiis illustrato, insigne testimonium perhibuit.

Expositis hisce historicis factis circa opinionem sanctitatis, re- dit advocatus ad monumentum huius cultus a Callixto II in Late- ranensi Basilica extructum. A Promotore Fidei factum hoc negari nequivit, ait defensor, sed ab eodem animadversum fuit, Panvinium, qui primus de hac pictura Lateranensi loquutus est, nullam illis Pontificibus tribuisse notam sanctitatis. Esto quidem Panvinium tacuisse ; ast eius silentium haberi nequit tamquam argumentum positivum. Nam Panvinius summariam fecit descriptionem de pi- ctura illa ; ita ut ne verbum quidem fecerit de superiore parte pi- cturae et reticuit etiam, quae suo tempore legebatur, vetustissimam inscriptionem. Dices ne eam non extitisse? Minime gentium: cum ipsam non multo post Grimaldus in medium protulerit, vetustissi- mamque iudicaverit. Nil mirum igitur si adiunctum illud de orbi- calari nimbo Panvinius omiserit, quod ceteroquin retulit Grimal- dus, licet suo tempore mutata essent nonnulla Pontificum nomina, ob antiquitatem exesa, minime vero eorum imagines. Pontifices in ábsida Sacelli depicti sunt, ex Panvinio, Alexander II,Gregorius VII , Victor I I I , Urbanus I I , Paschalis I I , Gelasius IL Hisce imaginibus adiunxit Callixtus II imagines ss. Leonis Magni et Gregorii Magni. In testudine absidis vero erat imago Deiparae Virginis cum filio, duo Angeli, s. Silvester Papa, et s. Anastasius Papa.

Etiamsi per hypothesim sex priores memorati Pontifices non habuissent nimbum orbicularem, et sancti t i tulum, tamen iusta Benedictum XIV, ex quo relatae fuerint imagines eorumdem inter alias sanctorum imagines a Callixto II Pontifice , id cultus argu- mentum portendit. Nam facto Pontificis Maximi imagines illae inter alias sanctorum expositae sunt, ut cultum obtinerent. Allata autem a Promotore fidei exempla, quae ex Ciampini opere desumpsit, de imaginibus nempe Pontificum cum orbiculari nimbo in absidibus ecclesiarum s. Venantii, s. Agnetis , et s. Laurent i i , falsa sun t , ex dissertatione Equitis Ioannis Baptistae De Rossi, ad hoc exa- rata. Namque in ábsida Ecclesiarum numquam cum sanctitatis attributis Pontifices, Reges, aliique vir i , non sancti, picti fuere.

Quod autem ignorantia Poenitentiariorum, ut alibi dictum fuit,