CASTRIMARIS 231

Aloysius in civitate Neapoli, quo pater negotii causa sese contulerat, retinens tamen domicilium in Civitate Castri- maris. Ex Aloisio autem natus est Antoninus qui expleto anno undecimo ingressus est Seminarium Castrimaris; ubi ad sacros ordines promotus fuit usque ad sacerdotium in- clusive et in Bullis sacrae ordinationis, adiectum fuit : hu- ius civitatis Castrimaris Stabiarum.

Ad rem Schmalzgrueber Part. III, lit. IX, n. 37 ait : Ex illa autem dioecesi vel loco quis oriundus censetur, in quo dum natus est, pater eius domicilium constitutum ha- buit. Neque refert, quod ipse natus fuerit alibi, quia v. g. parentes eius officii, legationis et negotii gerendi causa, dum ipse nascebatur, extra domicilium suum morabantur, nam adhuc, fictione iuris, in loco domicilii natus censetur, ut colligitur ex L. filios 3. C. de mun. et orig. et L. ci- ves in fine C. de incolis : Domicilium originis paternae etiam censetur domicilium filii. Et alibi passim. Notandum insuper est quod Concilium Tridentinum Sess. XXIII de Reformat. Cap. VIII praescripsit: unusquisque a proprio Episcopo ordinetur. Et Innocentius XII sua Bulla Specu- latores, qua disposuit quod pro ordinatione procedere possit tam Episcopus originis, quam Episcopus domicilii, stabiliter constituti, vel per decennium saltem in eo loco habitando vel maiorum rerum ac bonorum suorum partem transferendo, ibique insuper per aliquod considerabile tempus commorando satis superque suum perpetuo ibidem permanendi animum demonstravit et nihilominus ulterius utroque casu se vere et realiter animum huiusmodi habere iureiurando affirmet. Si vero ex accidente, occasione nimirum itineris, officii, le- gationis mercaturae, vel cuiusvis alterius temporalis morae seu permanentiae eius patris in illo loco natus fuerit, tunc vera et naturalis patris origo attendenda erit, ac proinde filius sequitur originem patris. Quam doctrinam sequuta est S. Congregatio Concilii in definiendis controversiis inter Archiepiscopum Neapolitanum et Episcopum Vici Equensi s pro ordinatione clerici Benedicti Mannella die XII Martii 1718