232 CRACOVIEN. SEU VARSAVIEN.

in casu nostro parvi interest matrimonium stare vel quia sponsa erat vaga, vel quia domicilium in parochia Omnium Sanctorum acquisierat, vel quia Sandomiriensis Episcopi de- legatio intercesserat.

Et primo demonstrare studuit, Iosepham, inspectis quasi domiciliis per eam Varsaviae quaesitis, proprio parocho ca- ruisse quando matrimonium iniit. Recolit, Iosepham, ex ipsa mariti depositione, anno 1857 Congregationem Charitatis ingressam, partim Varsaviae, dein Bialae, postremo Lovicii moratam fuisse, toto vicennio in varsaviensi Dioecesi. Ne- gat autem hoc adversario prodesse, cum ea non fuerint vera domicilia sed quasi domicilia, utpote ratione officii religiosi quaesita. « Illi religiosi qui professionem loci nullam edunt, suntque ad nutum superiorum ex uno monasterio seu con- ventu ad alium transmissibiles, adeoque habere non possunt voluntatem, saltem efficacem, stabiliter manendi in eodem monasterio, non videntur sortire forum ratione domicilii proprie talis, sed potius quasi domicilii. > Leuren, for. ec- cles, lib. 2 quaest. 81. Et inferius « Mutant vero illud (domicilium) per translationem ad aliud monasterium, Pich. I. c. Honor, in sum. h. t. n. 11, ita ut amplius coram eius Praelato conveniri non possint etsi alias illi per pro- fessionem adscripti fuissent. » Igitur priora domicilia Io- sephae per translationem ad alia monasteria seu hospitalia amisit, ultimum vero Lovicii, ubi commorata est a die 1 Ia- nuarii 1875 ad finem Martii 1876 dicendum etiam est ami- sisse, quum discesserit animo non redeundi, imo religiosum habitum deponendi, ut ipse vir eius testatus est.

Si igitur, ut patronus Casimiri putat, nullo in pacto habendum esset Sandomiriense patris domicilium, neque mora in parochia Omnium Sanctorum Cracoviae, unum remanet, ut dicatur, Iosepham vagam fuisse seu parochia carentem. Ballerini in Theol. Mor. Qury tom. 2, n. 848 haec ha- bet : « Vagum definit Benedictus XIV {Instr. 31 n. 10) qui relicto suo domicilio sedem in exteris terris inquirit : quod intelligendum est , tum si destinavit ; ubi sedem