232 UTINEN.

sto sino al presente pensile il destino d'una tal questione » et hinc novum instauratum est iudicium, cuius exitus igno- ratur.

Nihilominus, hoc saeculo ineunte, parochos in possessione decimarum fuisse patronus tenet. Nam cum anno 1834 Ca- pitulum nova molimina tentaret, parochus ecclesiae S. Ma- riae gratiarum mordicus restitit ; et quatuordecim tunc te- stes deposuerunt sese quotannis libenter solvisse quarterium parocho praesenti eiusque antecessori.

Sed hisce omnibus missis, et dato etiam quod Patriarcha non intenderit assignare novis ecclesiis competentem por- tionem ex fructibus ad ecclesiam matricem quomodocumque pertinentibus, iuxta Tridentini legem cap. 4 sess. 21 De ref or. quam ipse exequi profitebatur, tamen quod ille non fecit hodie faciendum esse contendit patronus, quia res in- cidit in aliud eiusdem Trid. Concilii decretum, in quo lo- quens de paroeciis iam constitutis, praescribit parochis con- gruam sustentationem non habentibus, hanc illis adscribi, praesertim « decimarum assignatione > cap. 13 sess. 24 De ref. Et heic orator pluribus arctam ac aerumnosam paro- chorum conditionem pingit, qui gravi plurium millium ani- marum cura gravati, in vastissimo territorio, saepe per agros aut per montes extenso, omnibus prorsus subsidiis de- stituuntur.

CAPITULI DEFENSIO. Capituli patronus inversa dispositione procedens argumentationem suam primum quoad quartesii seu decimarum perceptionem instituit. Recolit autem eccle- siam B. M. Maioris a Bertrando sub anno 1 3 3 4 accepisse universum quartesium veteris paroeciae S. Mariae Maioris de Castro, et eiusdem perceptione usam fuisse etiam post parochiarum distributionem a Patriarcha Barbaro factam usque ad praesens tempus.

Obstare igitur parochis autumat, praescriptionis exce- ptionem, quae procedit etiam contra habentes intentionem fundatam, iuxta plures S. R. R. decisiones in materia De- cis, in comp, redactae : Decimae quoad praescriptionem.