232 PARISIEN.

synopsi decis. 920 n. 16, 17 et 18 coram Mölmes legitur: « Incussio metus ad annullandum actum, tanquam quid facti debet concludenter probari. Et quidem cum ea circumstan- tia, quod sit metus cadens in constantem virum. Ex quo actus fuerit requisitus cum aliquo calore, non resultat probatio vio- lentiae et metus, qui non potuerit evitari a viro constanti». Eadem Rota in decis. 301, num. 17, part. 21 rec. pon- dérât: « Omnes testes deponunt dumtaxat D. Ducem Caro- lum vi seu iussu patris fuisse ad matrimonium impulsum, quae generica probatio non suffragatur ».

Tandem ipsamet Ferdinandae mater testatur: « Malgré son antipathie pour le jeune homme qu'elle lui laissa très- bien voir, elle finit par obéir à mes ordres et à mes désirs en disant qu'elle se sacrifiait pour sa famille ». Ergo, de- fensor concludit, non coacta matrimonium contraxit, sed ad sacrificium pro domo se obtulit, quia ipsa voluit.

Quibus animadversis propositum fuit diluendum dubium an sententia Archiepiscopalis Curiae Parisiensis sit confir- manda vel infirmanda in casu. Cui dubio respondit S. Con- gregatio :

« Dilata et excutiuntur novi testes iuxta instructionem dandam a Defensore matrimonii ex officio ».

Instructio a defensore S. Vinculi ita fuit digesta: « Cum testes, quamvis alias integerrimi, iure tamen integri mini- me habeantur, si aut sanguinis, aut amicitiae, aut servitu- tis, aliove huiusmodi vinculo ei devincti sint, pro quo te- stimonium dicunt ; cumque ad hunc censum pertineant te- stes, qui memoratae comitissae Ferdinandae potissimum suf- fragantur, Emis Patribus visum est desiderari novos testes, testes nempe diffidentes seu qui omni vacent studio suffra- gandi actrici.

« Nemo diffitetur hoc opus operosum spissumque esse. Attamen desperandum haud est : speciminis ergo inter te- stes matrimoniales recensetur praefati comitis Philipppi fra- ter; nec compertum est matrem a vivis excessisse. Isti for- tasse nonnihil ad rem scire possunt ac alios de re instructus