233. De s. Johanne Episcopo.
Ad Vesperas.

1. Gaude, fidelis concio,
In sancti natalitio,
Cujus praestant solemnia
Beata nobis gaudia.

2. Cujus sacratis precibus
Turba pressum in pluribus
Matri restauras puerum,
Conditor alme siderum.

11. Sit laus, decus, potentia,
Honor, virtus et gloria
Patri, nato cum flamine
A solis ortus cardine.

3. Cedens turbarum turbini
Se jungit solitudini,
Ubi dum vivit coelitus,
Veni, creator spiritus.

4. Celso dictante nuntio
Insudat aedificio,
Tibi dans laudes debitas,
O lux beata trinitas.

5. In vanum dum aedificat,
Columba locum indicat,
Quam sequi studet propere
Jam lucis orto sidere.

6. Loca petens incognita
Invenit diu perdita,
Te laudans cum tripudio,
Jesu, nostra redemptio.

7. Montem vident comburere
Et oleum defluere,
Laudes ferunt ad Dominum
Te lucis ante terminum.

8. Ampulae vinum bibitur,
Dum bibunt, non consumitur,
Plures reficit gratia
Aeterna coeli gloria.

9. Constructa tandem cellula
Membra domat paupercula,
Nunc regnat in coelestibus,
Exsultet coelum laudi-
bus.

10. Per hujus sancti merita
Nos, Jesu bone, visita,
Ut mereamur ingredi
Ad coenam agni providi.