Sermo IV .

Item, sermo fratris Bonaventurae apud Carcassonam

Gavisi sunt discipuli, viso Domino, Ioannis vigesimo .

In verbis his tria nota, quae a Christo apparente et resurgente veri humiles consequuntur, scilicet gratiae sanctitas disponens ad informationem, ibi: Discipuli; intelligentias puritas erigens ad contemplationem, ibi: viso Domino; conscientiae i ucu nditas laetificans ad delectationem per caritatem, ibi: gavisi sunt . Ad informationem autem disponimur per humilitatem, ad contemplationem per veritatem, ad delectationem per caritatem. In discipulatu in exemplum proponimur quoad effectum, in visione quoad intellectum, in gaudio quoad affectum .

I. Commendantur ergo viri apostolici ab humilitate sive gratiae sanctitate, cum dicitur: Dis cip uli . Verus autem discipulus defectus suos corrigit libenter, se subiicit humiliter, praeceptum exsequitur ferventer; quae tria ipsi fecerunt. Nam fuerunt poenitentiae austeritate rigidi, humilitate praediti, caritate fervidi Nam austeritate corpus proprium macerabant, compatientes Christo patienti; Lucae decimo quarto : Qui non baiulat crucem suam et sequitur me non potest meus esse discipulus.

Humilitate se contemptibiles reputabant, conformantes se Christo conversanti; Matthaei quinto: Cum sedisset, accesserunt ad eum discipuli eius.

Caritate alios verbis et exemplis mirabiliter aedificabant et confortabant, configurantes se Christe praedicanti; Ioannis decimo tertio: Inhoc cognoscent omnes, quia discipuli mei estis, si dilectionem habueritis ad invicem.

II Circa secundum nota, quod veri discipuli Christi vident eum continue: ut doctorem in mundo per vitae conversationem; Isaiae trigesimo: Erunt oculi tui videntes praeceptorem tuum.

Ut pontifi cem in patibulo per carnis oblationem; secundi Machabaeorum tertio: Iam vero qui videbat summi sacerdotis vultum mente vulnerabatur.

Ut regem in caelo per iustorum remunerationem; Isaiae sexto: Vidi Dominum sedentem super solium excelsum et elevatum etc.

III. Circa tertium nota, quod gaudent veri discipuli : de puritate e t tranquillitate conscientiae contra voluptuosos; Ecclesiastici trigesimo : Non est oblectamentumsuper cordis gaudium.

De longanimit ate patientiae contra iracundos; Actuum quinto: Ibant Apostoli gaudentes a conspectu concilii, quoniam digni habiti sunt pro nomine Iesu contumeliam p ati .

De veritate iustitias contra avaros; Proverbiorum vigesimo primo: Gaudi um iusto est facere iudicium.

De suavitate repromissae gloriae contra desperatos; Lucae decimo : Gaudete autem, quod nomi na vestra scripta sunt in caelis.