RHEMEN. 233

tertia sui operis editione animadvertit, picturam, a se memoratam, non ita amussim antiquae respondere, haud ita loquutus est eo sensu quo aliquid essentiale additum vel ademptum in ea fuerit ; sed dicere intellexit de repraesentatione figurarum plus, vel minus vicinarum, inter se.

Ideo quaestionem non fecit de signis sanctitatis, quia Grimaldi (quem sequitur Bened. XIV) post Panvinium describens picturam illam , affirmavit imagines Pontificum praesetulisse diadema orbi- culatum et sancti titulum. Neque pro genuina habuit Bened. XIV descriptionem Grimaldi, in qua nulla Gelasii, Paschalis, et Ur- bani II apparent nomina; sed eamdem pro genuina habuit, eo sensu, quatenus ille fideliter varias personarum, atque ornamentorum di- spositiones descripsit. Quocirca in sua tertia editione textum pri- mum servavit integrum; et numquam cogitavit pro genuinis hahere eorum Pontificum nomina quae Grimaldus descripsit, quando iam Poenitentiariorum ignorantia ea mutata erant. Alioquin Bened. XIV tollere debebat quae scripserat ac picturam etiam reformare.

Ratio autem, qua Crescimbenius, innixus eidem picturae latera- nensi haud obtinuerit cultus confirmationem Gelasii I I , est quia petitio numquam praesentata fuit. Non quia, ait Bened. XIV lib. 1, cap. 41, n. 30, de infelici exitu timeretur, sed ob alias utique causas, omnino disparatas....

Clerus Romanus, ait Advocatus, haud obtinuit extensionem cul- tus Urbani I I , quia in praxi statutum est, nemine deprecante, cul- tus confirmationem haud concedi a s. Rituum Congregatione : ast fiet quod nondum factum est.

Etiam Abbas Tosti loquens de origine cultus Urbano II redditi, plurimi quidem facit picturam lateranensem,verum ah initio elucubra- tionis suae propriam cultus originem erga Pontificem illum, in heroi- cis eiusdem virtutibus, gestis, pretioso obitu, ac miraculis, subinde patratis, invenit. Loquens de monumentis scriptis, quibus innitere- tur prima cultus origo, evidenter loqui voluit de eo pontificio di- plomate , quo Urbanus sanctis sociatus fuisset ; quod iuxta eius mentem , vel deperditum est , vel adhuc in archivio aliquo latet. De aliis scriptis monumentis nullimode intelligere potuit quum multa adsint.

Dolet autem Advocatus quod Promotor Fidei quamplures prae- terierit scriptores qui Urbanum II sancti ac beati titulo absolute decorarunt, primus inter quos Domnizo, illius Pontificis presbyter. Inter scriptores saeculi XII Bernardus Casauriensis , auctor chro-