PARISIEN. 253

indicare. Ceteros vero solers iste sacramenti vindex nota sua peritia atque industria perquiret ».

Curia Parisiensis statim novum processum confecit, plu- res testes ex officio excussit, quos inter praeeminent testimo- nia matris ac fratris viri, et ad S. C. acta |transmittens, simul haec significavit: « Novi testes secundum instructio- nes defensoris matrimonii ex officio interrogati sunt, eorum dicta nostram sententiam confirmare videntur.

DEFENSIO MULIERIS. Actricis patronus antequam novas attestationes ad examen deduceret, per summa capita ali- quas refert deductiones, quas ipse in praecedentibus allega- tionibus satis superque demonstrasse censet, tum ex iudi- ciali examine actricis eiusque viri, tum ex eiusdem matris confessione, tum ex iuramento undeviginti test ium, qui plures ex officio excussi fuerunt. Unde in factis est, ait orator, quod mater oratricis, mulier indolis severae ac ri- gidae, ad iracundiam atque violentiam prona, dum in asper- rimis versaretur adiunctis, filiam suam mitem et timidam ad invisum matrimonium adegit importunis atque instantis- simis precibus, suasionibus, minis, verberibus, detrusionibus in cubiculum aliisque afflictionibus. Oratrix pro viribus quoad potuit restitit, sed tandem victas manus cedere debuit at- que, emissa prius protestatione contra impositum sacrificium ad contrahendum accessit cum lacrimis aliisque tristitiae si- gnis: subinde coniugalia officia detrectavit, ac maximam a viro animi aversionem manifestavit; dum vix expleto nu- ptiali itinere iudicialem corporum separationem impetrare curavit.

Haec facta nunc orator ex noviter deductis comprobat, atque contendit, novos testes, nuper ex officio excussos non modo nihil contra nullitatem matrimonii innuisse, sed eam mirifice confirmasse.

Unde, pergit defensor, omnes supra recensiti testes quem- admodum et alii numero undeviginti qui in praecedenti- bus inquisitionibus excussi fuerunt, ad Iudicis interrogatio- nem ita conceptam: « De fait, pensez-vous que ce mariage