Et ideo sequitur :

" At ille dixit eis: Satis est. "

Quia quamvis in primitiva Ecclesia, praevalente iniquitate et infidelitate, non fuerit aliquis usus gladio illo, tamen, ut diximus, hoc praesidium in Ecclesia esse Christus voluit : sciens quod Ecclesia jam dilatata, sine gladio materiali gubernari non potuit. Ad Roman. XIII, 2 et seq. : Qui resistit potestati, Dei ordinationi resistit : qui autem resistunt, ipsi sibi damnationem acquirunt. Nam principes non sunt timori boni operis, sed mali. Vis autem non limere potestatem ? bonum. fac, et habebis laudem ex illa. Dei enim minister est tibi in bonum. Si autem malum feceris, time : non enim sine causa gladium portat. Dei enim minister est, vindex in iram ei qui malum agit.

" Et egressus ibat secundum consuetudinem in montem Olivarum. Secutisunt autem illum et discipuli.

Et cum pervenisset ad locum, dixit illis : Orate ne intretis in tentationem. "

Hic incipit tertia pars hujus capituli, in qua Evangelista determinat qualiter Christus ad locum venit suae captivitatis et traditionis.

Dicit autem hic quatuor : in quorum primo dicitur qualiter Christus cum discipulis ad locum captivitatis devenit. Secundo, qualiter in illo loco oravit. Terlio, qualiter ab Angelo quemdam modum confortationis accepit. In quarto autem, qualiter discipulos ad orandum excitavit.

In primo tria facit : ipse enim ad locum venit, discipuli sequunlur, et ut orent exhortatur.