Sermo V .

Item, sermo fratris Bonaventurae in Conventu Fratrum de Eugubio, ad omnem clerum et populum.

Cum essent discipuli congregati in unum propter met um Iudaeorum, venit Iesus et stetit in medio et dixit eis: Pax vobis, Ioannis vigesimo .

In verbis istis tangitur contra impetum periculorum imminentium ex infestatione perversorum duplex remedium, unum scilicet ex parte nostra, cautela scilicet providentiae praecaventis, ne videamur Deam tentare; aliud scilicet ex parte Dei, assistenti a videlicet gratiae adiuvantis, ne contingat succumbere.

Cautela autem habetur per consilium, consilium autem per varietatem sententiarum orientium ex varietate sensuum, et hoc per congregationem sapientium. Oportet autem, quod congregatio sit laudabilis per congruentiam personarum congregatarum, quod designatur, cum dicitur: discipuli. Unanimis per concordantiam voluntatum, quod designatur, cum dicitur: in unum . Perutilis per sapientiam agendorum, quod designatur, cum dicitur: propter metum Iudaeorum.

Assistentia autem gratiae adiuvantis designatur in Christo stante et pacem annuntiante; qui quidem, quoniam est princeps excellens, ideo stat; magister sapiens, ideo in medio; pontifex clemens et consilians, ideo pacem annuntiat.

I Circa primum nota, quod ad hoc, quod aliquis sit idoneus ad congregationem, oportet, quod sit discipulus. Ad discipulum autem spectat verita tem audire et ei assentire; Lucae octavo; Interrogabant autem eum discipuli eius, quae esset haec parabola.

Vanitatem contemnere et eam fugere; Lucae decimo quarto: Qui non renuntiat omnibus, quae possidet, non potest meus esse discipulus.

Bonitatem amare et eam propalare; Ioannis decimo tertio: In hoc cognoscent omnes, quia discipuli mei estis, si dilectionem habueritis ad invicem.

Divinam legem zelare et eam defensare et pro ea pugnare; Ioannis secundo : Recordati sunt discipuli eius, quia scriptum est: Zelus domus tuae comedit me.

II. Circa secundum nota, quod stat Christus ad promulgandum perfectionis edicta; Lucae sexto : Stetit in loco campestri etc. Et elevatis oculis in discipulos suos, dicebat: Beati pauperes etc.

Ad decernendum iudicia universa; Isaiae tertio: Stat ad iudicandum D omi nus et stat ad iudic andos populos.

Ad largiendum aeterna donativa; Ioannis septimo: Stabat Iesus et clamabat dicens: Si quis sitit, veniat ad me et bibat.

Ad praestandum tribulatis auxilia; Actuum septimo : Video caelos apertos et Filium hominis stantem a dextris Dei.

III. Circa tertium nota, quod est pax quantum ad id quod est supra nos, et hanc habemus per impletionem mandatorum; Psalmus: Pax multa diligent ibus legem tuam.

Infra nos, et hanc habemus per refrenationem carnalium incentivorum; Ioannis decimo quarto: Pacem relinquo vobis , pacem meam do vobis; Iob quinto: Bestiae terrae pacificae erunt tibi.

Intra nos, et hanc habemus per cessationem mundialium tribulationum; Isaiae trigesimo nono : Fiat pax tantum et veritas in diebus meis.

Item nota, quod est pax internae conscientiae bene testificantis; Matthaei quinto : Beati pacifici, quoniam filii Dei vocabuntur.

Supernae benevolentiae bene approbantis; ad Romanos decimo quinto: Deus aute m spei repleat vos omni gaudio et pace i n credendo etc.

Aeternae congaudentiae summe beatificantis; Isaiae trigesimo secundo: Sedebit populus meus in pulcritudine pacis etc.