234 UTINEN.

vellet et posset decimas a matrice distrahere, cum filiales ecclesiae sufficienti assignatione instructae essent, nec vera novarum paroeciarum erectio cum extinctione unicae tunc existentis paroeciae, ut adversarii contendunt, facta fuerit.

Ad instantiam reconventionalem capituli sustinendam de- veniens, probare nititur ecclesias parochiales cum quibus est controversia unitas esse mensae capituli, et ideo non proprie filiales, sed adiutrices et membra ipsius metropolitanae ec- clesiae, et earum rectores non vere parochos, sed vicarios tantummodo. Memorat unicum argumentum quo vicarii cu- rati fulciuntur esse interpretationem decreti Patriarchae Bar- baro anni 1595, quod tamen, attentis circumstantiis, quae illud praecesserunt, vel comitatae, vel demum secutae sunt, interpretari debet.

Hoc pacificum esse inter partes adnotat, et ex irrefra- gabili documentorum fide evinci, multos annos ante decre- tum Patriarchae Barbari extitisse easdem ecclesias coadiu- trices, quae in decreto ipso numerantur, et in his omnia parochialia munera nullo territorii discrimine habito, promi- scue administrata fuisse. Cum igitur antiqua paroecia num- quam defuerit et non interrupto temporis spatio a primaeva fundatione ad praesens permanserit, consequitur, iuxta pa- tronum, capitulum in aliis ecclesiis coadiutricibus, ut suae mensae capitulari unitis, ius adhuc et potestatem habere.

Neque melius adversarii ad dismembrationem astruendam confugiunt. Siquidem primo decretum diei 20 Ianuarii 1595 potius quam ad cap. 4 sess. 21 SS. Tridentinae Synodi, re- ferendum esse dicit ad cap. 13 sess. 21. scilicet non ad no- vas erigendas paroecias, sed ad.parochiarum fines distinguen- dos. In parte enim narrativa non quaeritur quod cives ob locorum distantiam sive difficultatem sine magno incomodo ad percipienda sacramenta et divina officia audienda accedere non possint, sed quod parochiales ecclesiae certos non ha- beant fines, nec earum rectores proprium populum, sed pro- miscue petentibus sacramenta ministrent. In parte vero dis- positiva non decernit novas esse paroecias erigendas, sed