233. De s. Gregorio Spoletano.

1 a. Iustis se vigiliis
Mane dans consiliis
Divinis acquiescet,

1 b. Castitate liliis
Par, amore filiis,

Cum patre requiescet.

2 a. Iustus est Gregorius,
Apud Deum glorius,
Qui mane vigilavit,

2 b. Cum in sancto tempore
Se exercens propere
Perfectam compilavit

3 a. Formam inuocentiae,
Verae patientiae,
Messiam imitando,

3 b. Eius excellentiae
Pro modo potentiae
Se totum limitando.

4 a. Nam responsionibus
Et in passionibus
Tortores superavit.

4 b. Christus a leonibus
Corpus, a daemonibus
Spiritum liberavit.

5 a. Quid plus? Ignem, bestias,
Poenarum molestias
Pertulit viriliter.

5 b. Hinc dites et egentes
Deum laudate gentes
Devote, humiliter.