Acta Pii PP. XI 237

vocemus. Praeclarum quidem solacium Nobis afferunt e Gallia

filii seu singulatim seu gregatim, maxime iuvenes, qui aut per

se ipsimet aut per Antistites suos non cessant cum se iudicio

iussisque Nostris subiicere, tum gratias Nobis agere: quibus placet

denuo Nostram approbationem gratamque testari voluntatem. Ae-

gritudine vero illud Nos afficit non mediocri, quod, ut verbis

utamur Apostoli, sunt... - quamquam non ita multi - etiam inobe-

dientes, vaniloqui et seductores... docentes quae non oportet1 ... quos,

sicut idem Apostolus, oportet redargui.2 Namque de eorum senten-

tia agendique ratione si quidem sileamus, idem vere sit atque

pernicioso errori servire - quemadmodum ab ipsis Galliae episcopis

declaratum est, - eos item in contumacia confirmare eorundem-

que vaniloquia, seductiones et falsas doctrinas fovere: neque enim

solida animorum pax ac tranquillitas nisi in veritate et in ordine,

caritate quidem duce atque efïectrice, consistit. Quod autem semel

iterumque declaravimus, id ipsum hodierno die confirmamus: qui-

cumque vere resipuerint in animumque sincere induxerint nimis

iam diuturnum pessimi exempli resarcire flagitium, quod in

Ecclesiam universam, in Gallicam potissimum, admisere, paterna

eos cum benignitate et caritate excipere et complecti paratis-

simi sumus. Atque fore, Dei misericordia, quam suppliciter coti-

die imploramus, ut brevi omnes se ad se revocent et ad com-

munem Patrem redire velint, vehementer speramus ac confi-

dimus. Etenim supra quam credibile est dolemus atque an-

gimur, quotiescumque subit cogitatio animum, fieri aliquando

posse, ut vel ad unum e dilectis iis filiis, qui ab officio descive-

runt, illud accommodare cogamur, quod prima Ecclesiae aetate

- neque enim Sanctae huic Matri defuit unquam ab filiis lugendi

causa - Ioannes, Apostolus ille caritatis, dicere coactus est:

Ex nobis prodierunt, sed non erant ex nobis; nam, si fuissent ex

nobis, permansissent utique nobiscum; sed ut manifesti sint, quo-

niam non sunt omnes ex nobis.3

1 Tit., i, io n. 2 Ibid. 3 Io., II, 19.