Fontis Baptismalis 237

« sarto requiritur possessoris interpellatio, quia possit iura

« propria deducere ac versionem suae rei evitare Sublacen.

« Spolii, 5 iulii i8iç cor. Marco ». Post haec Orator ad defectum causarum erectionis osten-

dendum gradum faciens, aiebat, duas tantum afferri causas,

nempe auctum fidelium numerum et distantiam parochianorum

s. Ioannis/ab Ecclesia Collegiata.

Quoad primum inquiebat usque ad diem 21 augusti 1874

parochiam s. Ioannis 600 circiter habuisse subditos: ea vero

die fere 300 additos fuisse, quia Archipresbyter cessit domos

exurgentes extra portam occidentalem. Iamvero parochia non-

gentis tantum fidelibus constans, adeo numerosa dici non

potest ut eidem necesse sit separatum fontem in propria

Ecclesia habere, praesertim cum unius fons per tot saecula

satis fuerit.

Rationem distantiae ridiculam vocabat, nam tota civitas,

quae potius in longum porrigitur, metra 750 vix aut ne vix

excedit, et Collegiata in civitatis medio posita est; viae com-

modae atque silicibus stratae, ita ut post hominum memoriam

numquam factum sit, ut aliquod inconveniens infantium absque

baptismate mortuorum ob Ecclesiae distantiam, acciderit. Atque

eo magis hanc distantiam non esse attendendam urgebat quod

s. Concilii Congregatio die 9 iulii 1672 in una Cassanen. Iurium

parochialium, facultatem denegaverit erigendi fontem baptis-

malem Ecclesiae filiali in damnum Matricis, quae duobus mil-

libus passuum distabat, atque viae erant difficiles et asperae

ob continuatam nivis abundantiam.

Deficientibus vero causis, et rationem et non' interruptam

s. Congregationis praxim docere instabat ad novi fontis ere-

ctionem, in damnum Ecclesiae illum iamdiu possidentis, deve-

niri non posse. Hic defensor nonnullas afferebat s. Congre-

gationis resolutiones in quibus eretio novi fontis baptismalis

Ecclesiis parochialibus denegata fuerat.

Demum advertebat huiusmodi defectum causarum indirecte

fassum fuisse tum Episcopum, tum parochum. Episcopus enim