OXOMEN.

237

DISTRIBUTIONUM ET SUBSTITUTIONE

Die 25 Iulii 1891. Sess. 2l cap. 2i De reform,

COMPENDIUM FACTI. In Cathedrali Ecclesia Oxoniensi ca- nonici de officio nuncupati, quibus incumbit etiam onus cle- ricos edocendi in Seminario dioecesano, ut choro praesentes mane vel vespere haberi solebant ad effectum lucrandi quo- tidianas distributiones, prout ante vel post meridiem scien- tias traderent. Haec tamen praxis, quae haud bene constat a quo tempore viguerit, Capitulo iuris fundamento destitui visa est ; atque idcirco auctorante Episcopo abolita est in comitiis diei 26 Ianuarii 1886, cum decretum fuit ut prae- fati canonici choro non interessentes distributiones amitte- rent, siquidem hora distincta a canonicis lectionem haberent.

Id non placuit Isidoro Soto Ramos qui ibi doctoralem praebendam iam a septem annis obtinebat, quique proinde ad S. C. C. confugit, et hanc nactus occasionem alterius etiam quaestionis resolutionem expostulavit. Exposuit namque eodem tempore sibi haud sustinenda videri, utpote iuri con- traria, obligatio in edicto concursus ad doctoralem praeben- dam expressa, qua electus etiam si infirmitatis causa ali- quando a schola abesse deberet, ad aliquem proprio sumptu sibi subrogandum adigeretur. Quare duo simul in illius pre- cibus quaerebantur :

« Utrum ius habeat ad praesentiam in choro eodem modo quo antea, seu prioribus annis. 2. Utrum, cum ex causa in- firmitatis non possit per se ipsum lectionem habere, substi- tutum teneatur suis impensis apponere. »

Rogatus de more Episcopus ut, audito capitulo, super oratoris iure referret, votum suum illi omnino contrarium emisit simul rationes adiiciens quibus ad suam tuendam sen- tentiam m o veretur.