PETROCORICEN. 257

Stante vigenti disciplina, ex tribus hauritur inconsum- mationis alicuius matrimonii probatio : ex iurata coniugum scilicet confessione : ex utriusque partis septimae manus depositione ; ex inspectione sponsae corporis.

Iam vero in themate, cum uxor vadimonium recusavit ad corporis inspectionem deventum non est , atque solius actoris iuratam habemus confessionem a suis testibus con- firmatam. Sane , si per viam strictioris iustitiae proceden- dum foret, ulterius progredi vix aut ne vix quidem liceret.

Ast in causa sumus gratiosae dispensationis atque in huiusmodi maxime causis contumacia unius coniugis non potest nocere alteri, neque, uti explicite dicit Ursaya, cor- poris inspectio copulative requiritur, sed adminiculative tantum. Imo docent Gonzales, Ledesma, Gutierez, Clerica- t u s , Cosci etc. non requiri de necessitate probationes cer- titudinem physicam facientes ; sed « sufficere certas certi- tudine morali, quae suadere valeant iudicis animum, quem- admodum sunt coniecturae, iudicia, praesumptiones et alia argumenta coniunctim consideranda ». Cosci De sep. Tori, L 3, c. 2, n. 140.

En autem quae acta nos docent. Testante episcopo Ordinario Petrocoricen., « videtur ora-

tor dignus ut ipsi dispensatio concedatur, quippe quod ma- trimonium appareat non consummatum, et ipse a parocho et testibus habeatur ut rudis quidam agricola, sed christiana religione sinceriter imbutus ».

Sub sacramento igitur actor, coram iudice ecclesiastico de copula interpellatus, respondit, nullimode matrimonium consummare potuisse.

Septimae autem manus testes, prout de iure, circa duo sub iuramento deposuerunt, de actoris scilicet credulitate atque de propria quoad inconsummationem opinione. Ad pri- mum quod a t t ine t , uno ore omnes testati sunt Antonium virum esse honestum, religiosum, omni fide dignum. Quod testimonium eo maioris ponderis videtur, quod praeter ora- toris fratrem testes ceteri non ex consanguineis sed vicinis