238

EX S. CONGREGATIONE RITUUM DECRETUM : quo praecipitur ut agatur quotannis festum ss. Cyrilli et

Methodii cum officio et Missa propria ritus duplicis minoris.

Die 25 Octobris 1880.

URBIS ET ORBIS

Sacrorum Antistites complures, oecumenici Concilii causa

anno MDCCCLXX Romam convenientes, magnopere sibi in votis esse pandiderunt, ut ab Apostolica Sede honor et cultus, per

Officii et Missae annuam celebrationem, in toto Catholico Orbe

Sanctis quibusdam Caelitibus decerneretur, qui eo praecipue

veluti splendidiora sidera in perpetuas fulgent aeternitates, quod

Apostolorum gesta prosequuti, Ecclesiae divino aedificio inter

diversas gentes ac nationes extruendo firmandoque impensius

adlaborarunt. Postulatum Summo Pontifici, gloriosae memoriae,

Pio IX arrisit, qui idcirco in peculiari sacrorum Rituum Congre-

gatione de eo agi voluit, die XXVIII mensis Maii anno MDCCCLXXIT habita. De uno tamen sancto Episcopo et Martyre Bonifacio,

Germanorum inclito Apostolo, tunc decretum prodiit prorsus fa-

vorabile, pro quo, ob irrumpentes per illas Ecclesias post ho-

minum memoriam saevissimas calamitates , urgentiora aderant

momenta. De aliis, inter quos praeclari Slavorum gentis Apo-

stoli Cyrillus et Methodius, rem differre placuit.

His autem resumptis, Sanctissimus Dominus Noster Leo

Papa XIII die nuper praeterlapsa xxx Septembris memorandas

desuper edidit Encyclicas Litteras Grande munus, quibus ex mu-

tato hodie per illas regiones reipublicae statu , peropportuna

arrepta occasione latius iuvandi dilectos Slavoniae populos San-

ctissimorum Magistrorum patrocinio, ut sint eos in praesentia-

rum potenter defensuri, sicut olim disseminata fide catholica

ab interitu ad salutem re vocarunt; praecepit, ut rato die quinto

mensis Iulii, quem f. r. Pius IX pro quibusdam locis constituit,

in Kalendarium Romanae atque universalis Ecclesiae inseratur,