238 CRACOVIEN. SEU VARSAVIEN.

dem pater Iosephae constanter habitavit et habitat cum tota domo in paroecia cathedralis Sandomiriae, cumque domi- cilium filiorum censeatur penes parentes, ita ut unus idem- que sit proprius omnium parochus, licet filii ex causa haud omnino perpetua absint ; iam dicendum apparet Sandomi- riensis Episcopi delegationem validam esse censendam, qua- tenus inutilis non fuerit ob superius disputata.

Quibus praenotatis, propositum fuit enodandum

Dubium

An sit confirmanda prima vel secunda sententia in casu.

RESOLUTIO. Sacra C. Concilii, re cognita sub die 26 Iu- nii 1886 censuit respondere : Affirmative ad primam par- tem ; seu confirmandam esse primam sententiam.

Ex QUIBUS COLLIGES L Pro celebratione matrimonii vagum dici, quoad parochiam, illum qui priori relicta paroecia, non- dum in aliam defixit sedem ; tunc enim revera est sine parochia, dum priorem omisit, et aliam nondum acquisivit.

II . In themate Emos Iudices videri habuisse Iosepham tamquam vagam, seu omni paroecia carentem : quia nulli- bi certam et constantem sedem, ante matrimonium, habuit aut habere voluit.

III. Iuxta Doctores ergo, ut quis vagus dici queat requiri ut dereliquerit paroeciam, et interim aliquo in loco hospi- tetur, nondum inventa domo in qua habitet.

IV. Vagum quoque haberi, relate ad matrimonium ine- undum, qui, licet domum invenerit, alibi tamen hospitatur, et qui in urbem advenit, nondum statuit qua in parte ha- bitet.

V. Vagos in matrimonio coniungi posse a quolibet parocho in cuius paroecia vagabundi sunt aut morantur ; etiamsi alter tantum vagus sit ; praemissa tamen diligenti inqui- sitione, et obtenta Ordinarii licentia : Trid. de ref. matr. Sess. 24 cap. 7.

VI. Vagum quoque dici relate ad parochias unius civi-