238 OXOMEN.

Disceptatio Syiioptica.

QUAE FAVERE VIDENTUR CANONICO DOCTORALI. In primis quoad distinctionem canonicatuum in Hispania, conventio seu concordatum anni 1851 haec habet art. 13; « Unumquod- que Cathedralium Ecclesiarum capitulum constabit decano, qui semper primam sedem post pontificalem obtinebit, qua- tuor dignitatibus, nempe archipresbyteri, archidiaconi, can- toris et scholae praefecti nec non alterae thesaurarii in me- tropolitanis ; insuper quatuor canonicis qui de officio nuncu- pantur, scilicet magistrali, doctorali, lectorali ac poeniten- tiario, ac demum eo numero canonicorum de gratia, quem art. 17 praefinit. » Et quoad eorum praebendas art. 32 sta- tuit : « Dignitates et canonici de officio in singulis metro- politam^ annuo reditu fruentur 16,000 regalium, in suffra- ganeis 14,000 et canonici de officio in Collegiatis 8,000. Canonici reliqui 14,000 in ecclesiis metropolitanis, 12,000 in suffraganeis et 6,600 in Collegiatis obtinebunt. »

Officium vero praecipuum canonici doctoralis et magistra- lis ita expositum est in Concilio provinciali Salamanticae longe ante Concordatum habito Act. 2 decr. 35 : « Qui do- ctrinali praebenda potitur teneatur in omnibus negotiis ad cathedrales pertinentibus, sententiam suam verbo aut scri- pto, prout requisitus fuerit afferre, atque in eisdem patroci- nan. Ad idem teneatur in causis, quae ad dignitatem epi- scopalem spectant, dummodo inter capitulum et episcopum non controvertantur; tunc enim suo capitulo adesse hone- stius erit. Erit etiam sui muneris, cum ab episcopo vel ca- pitulo fuerit requisitus, iudicem civitatis episcopalis adire, de negotiis episcopi vel capituli verbo aut scripto, cum opus fuerit instruere, omni excusatione remota - quod tamen ur- genti necessitate iniungi debet, - atque haec quidem omnia gratuito. At qui magistralem obtinuerit tenebitur omnibus iis diebus sermonem habere ad populum, qui vel statutis ec- clesiae vel antiqua consuetudine sunt praescripti, et quando ab Episcopo ob rationabilem causam occurrentem in ecclesia