235. De s. Guillermo Bituricensi.

la. Gallia reniteat,

Et in plausum prodeat
Gens urbis Bituricae,

1b. Prole quidem Gallia,
Et urbis frequentia
Pro suo pontifice.

2 a. Causam renitentiae
Parit dies hodie
Guillermi pontificis,

2 b. Cuius vitae sanctitas

Laudes petit meritas

Moduli multiplicis.

3 a. Mundi timens invia,
Praedam suam in via
Mundi nolens sistere,

3 b. Ad claustrum prosiluit,
Quia clausus voluit
Extra mundum vivere.

4 a. Dum in claustro sistitur,
Mox habet, quod diligit,
Et clausus exsequitur,
Quidquid claustrum exigit.

4 b. Se nesciri studuit

Inter clausos positum
Sed claudi non potuit
Tanti viri meritum.

5 a. Fide iustus, spe robustus
Et integer vir venustus
Carnis privilegio,

5 b. Ex quo claustrum subin
travit,
Carnem suam nullo pavit
Carnis beneficio.

6 a. Abbasprimo, praesul tandem
Vitam semper et eandem
Viam vitae tenuit.

6 b. Neque mores, ut est moris,
Propter apicem honoris
Mutavit, quos habuit.

7 a. Sibi durus et austerus,
Sed ad opem nulli serus,
Voto carnis contrarius
Sui erat incurius.

7 b. Opus omne, quod agebat,
Vento famae subtrahebat,
A verbis detrahentium
Retrahens fores aurium,

8 a. Flos germane confessorum,
Vis tuorum meritorum,
Omnem prensum medicorum
Visa est praecellere.

8b. Dum in morbis operatur,
Sensus stupet, ars miratur,
Epileptia curatur
Et noli me tangere.

9 a. Puer lapsus in fluentum
Vitae nescit detrimentum
Et per tuum interventum
Sanatur squinentia.

9 b, Res miranda recitetur,
Dum sacerdos confitetur,
Promeretur, ut sanetur
Manus impotentia.

10 a. Mors festinans absque fere
Et lupinae morsus ferae
Pueris non obfuere
Tuis, pater, meritis.

10 b. Fugit febris, furor cedit,
It contractus, lumen redit,
Nec infantem virus laedit,
Cessat tremor capitis.

11. Tanta patris merita
Nostra laxent debita.