Fontis Baptismalis 239

In nova autem propositione etiam parochus s. Francisci defen-

sorem selegit.

Hic erectionem fontis baptismalis defendebat ex eo quod

cuique Ecclesiae parochiali ius sit baptisterium erigendi nisi

vel alteri Ecclesiae maiori subdita sit vel alia speciali ratione

hoc iure destituatur. Sed neutrum in facto occurrere dicebat,

nam praefatae Ecclesiae parochiales omnino aequales et inde-

pendentes sunt inter se, quin materialis existentia fontis bapti-

smalis in Collegiata, tribuat eidem aliquam praeeminentiam

super ceteris Ecclesiis.

Et revera neque proprie neque improprie Collegiatam

Ecclesiam matricem dici posse instabat, nam neque constat

ceteras Ecclesias a Collegiatae dismembratione ortum habuisse

neque ipsae sunt quasi subditae et in sacris peragendis adiu-

trices. Insuper detentio clavis fontis baptismalis ex parte paro-

chorum, ostendit ipsorum dominium in communi illo fonte.

Recolebat insuper distantiam a Collegiata pro habitantibus

extra portam occidentalem, auctum populi numerum, plausum

civium novi fontis erectioni, ita ut nedum ius parochum exer-

cuisse, sed perutile opus explevisse contenderet.

Ex altera parte Archipresbyteri defensor instabat tria

requiri, ut novus fons erigi possit, quando adest Ecclesia

baptismalis, nempe i. Gravissimae causae; 2. Consensus inte-

resse habentium; 3. Compensatio (quatenus primum et secun-

dum requisitum habeatur) illi Ecclesiae cui praeiudicium affera-

tur, Spoletana Erectionis fontis baptismalis diei 23 ianuarii 1873. Causas minime adesse sese iam ostendisse dicebat; consen-

sum interesse habentium requisitum non fuisse ex ipsa huius

causae disceptatione patere; compensationem illati damni

defuisse ex ipso decreto esse manifestum. Neglectis itaque ab

Ordinario hisce substantialibus formis, nullius valoris factam

erectionem esse contendebat.

Neque opponi posse urgebat matricitatis defectum in Col-

legiata Ecclesia, quasi aliae paroeciae cum filiales non sint

sibi vindicare possint quocumque tempore ius erigendi fontem