240 OXOMEN.

chorali necéssariisque itineribus magnam diei partem insu- menti, difficulter tempus et vires suppetere posse ad rectam adhibendam praeparationem. Unde si iuris rigor urgeretur, timendum esset ne ex hoc discipuli detrimenti aliquid caperent.

Quoad vero maiores praebendae reditus quibus canonicus doctoralis fruitur, quosque Episcopus forsan memorat uti causam ad gratiam denegandam, siquidem distributionum amissionem compensarent, observari posset ex illis argumen- tis videri quae nimis probant. Cum enim iidem prorsus fru- ctus sint theologo et poenitentiario, sequeretur eamdem ra- tionem ad distributiones ipsis adimendas invocari posse. Ce- terum cum pinguior praebenda canonicis de officio constituta fuerit art. 32, Concordati 1851 et munus docendi imposi- tum sit postea, scilicet regio decreto anni 1852, evidens est concludens ratio inde haud posse desumi.

Relate vero ad obligationem sibi substituendi aliquem suis sumptibus in magisterii exercitio, quoties infirmitate detineatur, recolit orator contrariam esse ipsi rubricam tit. 12 lib. 3 « ut ecclesiastica beneficia sine diminutione conferan- tur. » Ergo cum Episcopus conditionem quae a iure exorbi- tat in edictalibus tabulis addiderit, atque ea quae contra ius fiunt debeant pro infectis haberi, consequeretur canonicum doctoralem ad gravis et vitiatae conditionis adimplementum nullimode adstringi.

QUAE ADVERSARI VIDENTUR CANONICO DOCTORALI. Attamen ex adverso perpendendum est clarissima esse Tridentini verba sess. 21 cap. 12 De reform. « Distributiones vero qui statis horis interfuerint recipiant : reliqui, quavis collusione aut remissione exclusa his careant, iuxta Bonifacii V I I I decre- tum quod incipit : Constituendum ; quod S. Synodus in usum revocat, non obstantibus quibuscumque statutis aut consue- tudinibus. » Unde nisi expresse a iure casus habeatur exce- ptus, in praesenti materia procedi nequit argumentis ex ana- logia deductis vel ex aequitate depromptis. Quod tenuisse videtur S. C. C. dum semper rigidam se praebuit in quo- tidianis distributionibus absentibus concedendis.