240 ORITANA

cationes, congrua ab Ordinario obtenta in scriptis facultate, cuius exemplaria in actis proferuntur.

Ex adverso Sodalitas, dicta a B. M. V. sine labe concepta, enixius instat, asseverans se huiusmodi solemnes processiones duxisse antea quam SS. MM. cultus in Oratorio alterius So- dalitatis instauraretur; quod probat producens exemplaria facultatum, a Curia concessarum, pro publicis ducendis pro- cessionibus, iam ab anno 1852; et nonnullos affert .testes hoc asseverantes apud notarium. Sed adversa Sodalitas vicissim testes profert apud notarium, contrarium deponentes.

Aemulationes vero in apertam controversiam devenerunt, sub anno, videtur, 1869, postquam etiam Sodales a B. M.V. sine labe concepta nuncupati, ab Ordinario, legitima obtenta facultate, coeperunt eodem die, et ipsi, in honorem SS. MM. publicam ducere processionem.

Hoc ferre non posse protestati sunt confratres alterius sodalitatis, contendentes sibi exclusive ius publicas ducendi processiones competere, quippe usa antiquiore comparatum; quamobrem recursum habuerunt ad S. C. EE. R R . ut hoc confirmare dignaretur. Quae tamen prudenti responso repo- suit die 25 Iulii 1890 « Orator utatur iure suo coram Curia episcopali, prout et quatenus de iure ».

Ab eadem sodalitate, introducta instantia apud Curiam Oritanam, haec declaravit, utrumque Sodalitium, iure ca- rere processionem peragendi in festivitate ss. Martyrum Cosmae et Damiani ; eo quod hoc ius dependeat omnino et exclusive a voluntate Episcopi dioecesani, penes quem, ex iure est gubernium, et moderatio eiusdem Dioecesis.

Huic tamen non acquiescentes Sodales a s. Bernardino dicti, appellationem interposuerunt ad Curiam metropolita- nam tarentinam. Quum vero appellantes non rite observa- verint decendium seu tempus fatale ad appellandum, prae- iudicialis exorta est quaestio, an scilicet appellatio admit- tenda esset.

Curia tarentina censuit tempus pro appellatione utile non fuisse materialiter decursum : et proinde admisit ius quae-