236. De s. Johanne Baptista.

1. Amicus sponsi, magno gaudens gaudio,
Sponsam habentis castam in conjugio.

R Sanctus Johannes Baptista ad Dominum
Deum pro nobis exoret altissimum.

2. Baptista sanctus, sacri Christi corporis
Tinctor Jordanis alveo in fluminis.

3. Cujus ad ortum magnus venit nuntius
Praenuntiandum, Gabriel archangelus.

4. Datum est cui tale privilegium,

Primus ut regnum praedicet perpetuum.

5. Electus veri in modum luciferi,
Solis praecursor, propheta altissimi.

6. Faciem patris ante missus angelus
Promittens coeli regna poenitentibus.

7. Gaudens in suae parentis visceribus
Mariae sanctae salutantis vocibus.

8. Heremitarum exemplum egregium,
Domino Deo soli servientium.

9. Judae excelsi pastor Odollamita,
Testis in unda exsistens aquatica.

10. Eameli pilis indutus pro vestitu,
Heliae plenus virtute et spiritu.

11. Limes perfectus legis et prophetiae
Ac spiritalis evangelii gratiae.

12. Mellis silvestris agresti edulio
Et locustarum cibatus in eremo.

13. Nativitatem praecedens prophetia,
Juste et vere dictus Dei gratia.

14. Ortus in mundum multorum cum gaudio,
Plebis perfectae praeparator Domino.

15. Plus quam propheta, suo monstrans digito
Agnum praedictum vatum vaticinio.

16. Quo majorem ullum ex muliere natum
Dominus dixit virum non resurgere.

17. Rege ut Christo non careret capite,
Cephale sacro truncatus in carcere.

18. Spiritu sancto repletus ex utero,
Ebrietatis omni carens poculo.

19. Tantus ac talis, cujus diu tacitas

Soluit nomen patris linguae loquelas.
20. Vox in deserto clamitans, dominicas

Rectas parari vias atque semitas.
21. Xristo parata largae lucis lucerna,

Ad confundendos aemnlos aptissima.
22, Ymnistae sui fragilis et miseri

Reminiscatur in conspectu Domini.
23. Zachariana proles primum Dominum

Roget pro nobis regnantem in saeculnm.